
lørdag 12. desember 2009
"Nissane på Hildegard"

fredag 11. desember 2009
Fredsprisen 2009
mandag 30. november 2009
1. søndag i advent og lysmesse i kyrkja

Prest Kristin, som er ung og nyutdanna og konfirmantlærar Marius styrde det heile.
Laurdag var det tenning av julegrana, så no er vi i gang....
I dag er det slektsforskning og kjellarjobbing på besten og brødbaking på meg. Lette snøfnugg i lufta, så det blir vel lysare kveldar - så lenge det varer.
Den firearma lysestaken har Eidabesten laga for mange år sidan. Mor og far hadde han så lenge dei var på Smia. Denne gongen hadde eg berre kvite ubrukte lys, skal vel vere lilla?
lørdag 28. november 2009
Julekonsert i Operaen
torsdag 26. november 2009
Thanksgiving Day

På TV i dag har Wenche laga "gubberøre", som er ein svensk sildesalat, og det har vore testa juleøl. Utruleg at vi skal feire første søndag i advent denne helga. Dagane er våte, korte og mørke, nesten slik at eg lengtar til våren alt no!
Men noko godt er det vel med mørketida også, Eidabesten er byrja å måle bilder igjen og han er i full gang med slektsforskninga - no på morssida. Elles mekkar han på den gamle veteran-motorsykkelen i kjellaren.
I dag er det "Open dag" på Eldretunet, der oldemor bur, så eg skal ein tur opp dit og ta lodd på alle dei fine heimelaga gevinstane. I kveld skal vi på julekonsert i Operaen med
Elisabeth Andreassen og Rein Alexander.
tirsdag 10. november 2009
"Et dukkehjem"

fredag 30. oktober 2009
Strikketreff hjå Reidun

Eg byrja på ei lue i "Frost" og vart dessutan freista til å kjøpe rundpinnar i tre, same som eg brukar til lester. Veldig godt å strikke med slike pinnar. Kjøpte også "Baby Silk" i rosa og lilla, det blir vel eit sjal, kanskje. Reidun har eit stort utvalg i garn etc. - og har mange gode råd, så det er vel verd å ta ein tur innom butikken hennar.
tirsdag 27. oktober 2009
Bursdagar i oktober.
Den 25. okt. vart onkel Peder Aadland 94 år og eldst i familien, og Eidabesten vart 68 år.
Meiner også at Rolf, bror til Ørstabesten, har bursdag denne dagen og er like gamal som Eidabesten.
Den 26. okt. vart bror Rasmus 66 år - og nevø Rasmus på Kongsberg 45 år.
I dag, den 27. okt. er det barnebarn Bjørnar som feira 14 års dagen sin. Koseleg kaffeselskap på Os som vanleg i kveld.
Anne Grethe og Astrid (syster og mor til Margunn) har også bursdag i okt., likeeins nevø Svein Kåre som bur i Oslo, 36 år. Gratulerer alle saman!
fredag 23. oktober 2009
Seinhaust i Kalvåg


Det er lagt ut eit stort hyttefelt på Gildreneset. Der er dei no nesten ferdige med vegen som startar i nærleiken av vegen til fergeleiet på Smørhamn og snor seg over fjellkammen og ned til sjøen på nordsida. Dette er eit solrikt og flott hyttefelt der mange frå innfjorden alt har bygd seg hytter. Roleg og fredeleg i Kalvåg no, stor skilnad frå sommartida då det er fullt med turistar som skal fiske og nyte vakker natur.
mandag 19. oktober 2009
Operatid

Vi var der sist torsdag og det var ei stor oppleving. Mange lokale songarar og barnekor deltok, veldig artig. Stort lokalt engasjement med dugnad i alle ledd.
mandag 28. september 2009
lørdag 26. september 2009
tirsdag 15. september 2009
Konfirmant-jubileeum
Stårheim kyrkje
Konfirmantar 1959

Sist søndag feira vi som var konfirmantar for 50 år sidan, jubileum i lag med 51-, 60- og 61-åringane i Stårheim kyrkje. Feiringa starta med gudstjeneste kl 11 og fotografering i kyrkja, middag/kaffi/kaker i Samlingsheimen. Det vart ein lang og opplevelsesrik dag. Artig er det også at barnebarnet mitt, Ingrid, var konfirmant i år.



mandag 14. september 2009
Gratulerer med valdagen!

Ja no er det gjort, Besten og eg har vore på Rådhuset og stemt både på stortingsvalet og kyrkjevalet. Oddvar er formann i røystestyret ved stv. og han var på plass. Vi er heldige som bor i eit demokratisk land. Besten har det travelt, skal hjelpe ein pensjonistvenn med motoren i båten hans. Alltid nokon som treng hjelp. Eg er funksjonær ved kyrkjevalet, og har vakt frå kl 17.00.
torsdag 3. september 2009
Bursdagar i september

Bilda er frå turar i Stigedalen(Movatnet) og Kalvåg (Gildreneset) i år.
I dag fyller nest yngste (og tiande) barnebarnet vårt 9 år. Gratulerer med dagen Kristine!
Ho er ei sporty og festeleg jente som "held liv" i besteforeldra og familien forøvrig!
Dagen skal feirast med pysjamas-selskap etter skulen i dag. Familiebesøk blir det vel i helga. Dagen må ho dele med niesa mi, Anna Pernille (38) og tidlegare gode kollega Liv Janne (51). Når eg ser igjennom fødselsdagsboka som eg har hatt i mange år, er det fleire slektningar som har bursdag i september. Eg kan nemne farfar Rasmus i Torvika den 1., tvillingsystrene hans, Astrid og Inga den 2. (dei var 14 syskjen som levde opp). Morfar Peder i Remmedalen den 28. Det blir alltid litt mimring når nokon fyller år - det blir berre verre med åra.
lørdag 29. august 2009
Recital (konsert) med Denyce Graves

Har tidlegare lytta til henne på Youtube der ho bl.a. syng frå Carmen og "Lord's Prayer" i presidentbegravelsar i USA.
torsdag 27. august 2009
Hausttur til Bergen

mandag 24. august 2009
Søndagstur til Movatnet

I dag er det barsokedag og det er visst nok første vinterdagen?!
fredag 21. august 2009
Gratulerer Helene, Stig og Ole med bursdagar i august

I august mnd. har 3 av barnebarna våre bursdag, Ole Kristian den 7., Stig André den 16. og Helene den 21. (altså i dag).
Ole feira 21 års dagen sin heime på Os, han skal pendle til Volda dette studieåret og ta årsstudium i norsk og offentleg rett.
Stig sin 19 årsdag vart ikkje feira med familieselskap i og med at han då var flytta til Bergen. Han studerer språk og kommunikasjon ved universitetet.
Hestejenta Helene er konfirmant til våren. Ho og fleire i fam. har influensa, så der også må ein utsetje feiringa.
tirsdag 11. august 2009



lørdag 8. august 2009
Frå Mø til Mor


Litt vemodig no når Kris blir i Ålesund og Stig (og Renate) i Bergen, men det er livets gang - ein får glede seg med dei unge som har lyst å ta utdanning.
torsdag 6. august 2009
Kanelsnurrar til Ole


I går lokka Kristine meg på Europris for å kjøpe bakematte - og i dag måtte den prøvast. Ho fann oppskrift på nettet - og så var det berre å setje i gang. Besten og Hans for på sjøen, Henning kom her for at mor og far skulle få seg ein tur på Os-sætra etter middag. Føre middag var Ingrid og Viktor her ein tur, kjekt å ha barnebarna så nær. I morgon er Ole 21 år (før var det myndighetsdag) og då blir det vel ei lita samling, vil eg tru.
søndag 2. august 2009
Sæterliv




I dag besøkte vi Lappetausa m/fam på hytta deira på Heida. Vi damene gjekk tur langt opp i Havsåsbotnen og såg på utsikta. Kan sjå i fjorden og Sørland derifrå. Mange kyr på sommarferie på sætra + sauer og hestar. Kyrne var litt bryske når Tinka-voven yppa seg, men Audhild ordna opp, så vi kom velberga forbi flokken. Artig for Audhild og Kristine å snakke med dei flotte hestane på sætervollen. Selet på bilda er der oldemor Astrid var sæterjente då ho var ung. Det kvista treet står ved eit bustadhus i Remmedalen. Det vart kløyvd og kvista av lynet for nokre veker sidan.
lørdag 1. august 2009
Malakoff og Norway Cup




I dag har det vore fint vér, så vi tok oss ein tur i Stigedalen. Stor aktivitet der også, folk på mange av hyttene, mange bilar på vegen - i tillegg til kyr og sauer. Vi gjekk inn til Sage-sætra, der det er ein fin benk å kvile seg på før heimturen!
søndag 19. juli 2009
I ly for sol og regn m.m.

Eitt av Besten sine motto er at "når ein bur på Vestlandet, må ein ha mange tak ein kan opphalde seg under"! I garasjen er det mørkt og trist sommars dag, så nyaste prosjektet er uteplassen i hagen som han no har lagt lysplater over. Lampettar er montert tidlegare, så no manglar berre radioen og eit par måleri på veggen! I og med at vi ofte har besøk av hunden, Viktor, som likar best å vere ute, er det fint å ha eit tett tak å opphalde seg under. No kan barne-/ hunde-passarar og røykjarar sitje trygt og godt, sjølv om det regnar ein skvett. Solid og godt byggverk, står trygt om det blir nokre vindkuler også. Tidlegare har vi slite ut eit par party-telt på grunn av vind og regn. Hekkane er nyklypte med god hjelp av HP, så no er det litt måling og vøling på huset som står for tur.
Framleis god sommar til slekt og venner, tek gjerne imot besøk!
tirsdag 14. juli 2009
Krim og jus
Merkedagar

tirsdag 7. juli 2009
Bursdagar m.m. i juli
tirsdag 30. juni 2009
Sommarnatt ved havet
onsdag 24. juni 2009
Jonsokafta
lørdag 20. juni 2009
Gratulerer Lappetausa!

Abonner på:
Innlegg (Atom)