Gratulerer LilleMø!

Gratulerer eldstejenta med 44-årsdagen i dag! Dessverre er ho bortreist på dagen - har studiedagar på NLH ÅS denne veka - tidlegare studiestaden hennar for over 20 år sidan. Kristoffer, den førstefødde, fyller 21 år den 14. april, så det blir vel fellesfeiring i påska, kanskje?

Eg har scanna ein del gamle bilder i vinter og fann bl.a. dette av Hilde, Solveig og Audny. Kanskje Olaug hugsar noko om kor tid det vart tatt? På gardinene å døme er det på Hildegard. Brillene til Audny er heilt "up to date", såg på God morgen Norge i dag kva som er moderne i år! Og kva med gensaren til Strikkemor, har ho strikka den sjølv?

Gratulerer Olaug

Fire generasjonar jenter:
Oldemor Marie, bestemor Amanda, mor Olaug og vesle Solveig i 1963.

Olaug i Innvik - truleg under krigen.

I dag har mi kjære svigerinne bursdag. Eg vart kjend med henne sommaren 1963. Då var ho nettopp blitt mor for første gong. Mange gode minner. Skal ikkje røpe alderen, men dei som les bloggen hennar, merkar nok at ho er ung til sinns. Vi gled oss til å besøkje henne i dag.

Rikard 95 år

Rikard og niesa Ellen Marie, dotter til Eldbjørg, på Hildegard.

Barnedåpen til Reidun i 1947 på Hildegard: Ellen, Hilda, Amanda, Else, Eivind, Rikard, Storm.

I dag fyller Rikard 95 år. Han er onkel til Olaug og Svein og vaks opp på Hildegard, foreldre Hilda og Eivind Os. Han hadde 3 syskjen, Storm, Eldbjørg og Ellen. Rikard har budd i Oslo heile sitt vaksne liv, no på Nordstrand, steller seg sjølv, går til butikken og handlar m.v. Kona, Else, døde for eit par år sidan etter nokre år på pleieheim i nærleiken. Rikard vitja henne kvar dag medan ho var der. Mor til Rikard vart også over 90 år. Begge dei gamle budde i 1. etg. då vi flytta inn i 2. etg. på Hildegard i 1965 på min 20 års dag. Audny var knapt ein månad då og det var stor stas å få eiga leiligheit.

Mormor Bella

Bilde: Ragnhild, Bella, Astrid på Smia.

I dag er bursdagen til mi mormor, Bella Olufine Hanebrekke, f. Almklov i 1890 d. 1982. Ho vart 92 år og siste 10-12 åra av sitt liv budde ho hjå mi mor i Torvik (Smia). Ho var åndsfrisk til det siste. Morfar, Peder f. 1882, døde i 1966. Foreldra hans kom frå Åsebø i Heggjabygda og kjøpte seg gard i Remmedalen. Bella var jorda-jente i Almkloven, men garden i R. var meir lettdriven, så det vart til at garden i A. vart seld og dei overtok Slettebøen i R. Far til Bella, Laurits, bodde hjå henne siste åra av sitt liv. Bella og Peder hadde 4 born, Ola, Ragnhild, Astrid og Leif. No er det berre mi mor, Astrid, som lever igjen. Ho er i sitt 90-ande år og bur på Eid Eldretun.

Eidabesta

Gratulerer Ingrid!

I dag fyller Ingrid 15 år, konfirmant 24. mai, snart vaksa jente. Ingrid er ei snill, flink og populær jente som har omsorg for dei ho har rundt seg, ei ekte "hestejente" frå ho var lita og har sin eigen hest som ho forgudar. Familien feira bursdagen i går på kvinnedagen, venneparty fredags kvelden. Takk for ein koseleg søndagskveld.

Første soldagen i Alleen

"Soloppgang" kl 12.30 i sør

I nord - Myklebuståsen mot Fossane, der dei har hatt sola lenge.

Vi skulle hatt sola her for ei veke sidan, men det har vore dårleg ver, så først i dag fekk vi sjå henne på Hildegard i år. Vanlegvis er første glimtet av sola i Os-gjølet, men no kliv ho heile fjellet frå Trollenykjen. Ein blir lettare til sinns med ein gong. Må nok ut og nyte dagen. Rømmegraut til middag - to dagar forsinka frå feitetysdag.

Gratulerer Henning med 5-års-dagen!

Lisjebroren på Os og minstemann i storfamilien, fyller 5 år i dag. Ein blid og festeleg fyr.

Gutteselskap før kl 18 og familien frå kl 18. Pedagogisk bra dataspel frå Bjørnar og flott flisejakke frå Kristine, som vist på bilda. Stor feiring med heile familien samla frå 81 - 5 år. Takk for ein fin kveld.

Lydbok

William C Gordon

Er nett ferdig med lydboka "Summen av dagene ", siste boka av Isabel Allende (66 år), lese av Anne Marie Ottesen. Første boka eg har lese av henne, men har sett filmen "Åndenes hus" eit par gonger. Boka var veldig personleg (biografi) og underhaldande, fekk lyst å lese fleire av bøkene hennar, iflg. Wikipedia har ho skrive 16 bøker til no. Ho er sambuar med William C Gordon, som er hennar "store kjærlighet" gjennom dei 20 siste åra. Han er advokat, men skriv også bøker på sine eldre dagar (han har eg googla). Dei bur i eit nytt "Åndenes hus "i California.

Gratulerer Margunn!

Foto av øvre Myklebuståsen og Fossevegen i dag i middagstider, tatt frå balkongen vår mot nord. Beklager ledningane som skjemmer bildet:

I år rundar det "unge" ekteparet Strøm 40 år, Margunn i dag og Stein Inge i mai. Dei har ikkje tenkt å feire stort, blir truleg ein tur til sol og varme i april, berre dei to. Fornuftig.

Presangen vår får vere at vi skal stelle heime mens dei kosar seg i varmen. Koseleg feiring i kveld med næraste familie i Kvh.v. Margunn er ei flink dame, nett ferdig med sjukepl.utd på 3 1/2 år delvis deltid, i tillegg til at ho har jobba ein god del. Det står respekt av dette. Ho likar godt å trimme og å gå i fjellet, ei interesse ho deler med S.I. Ein trimtur på Fossane eller Ossætra er gjort unna på ei lita kveldsøkt. Vi gratulerer med ferdig sj.pl.utd. og bursdagen i dag!

Bursdag og horoskop

Mange bursdagar i familien for tida. I dag er det Strikkefar (svigerson) som har bursdag.
I morgon er det systera mi, Anne Marie. Gratulerer begge to!
Det betyr at vi har mange "vannmenn" i familien. Iflg. horoskop eg har lese, skal dei passe godt i lag med "tvillingar", så det skulle i alle fall vere full klaff for Strikkemor? Mor og far var også vannmann og tvilling, og det gjekk veldig bra i 64 år.
Var usikker på om Strikkefar aksepterte bilde i bloggen min, men så sa Strikkemor at han er så ofte i avisa, at det skulle ikkje gjere noko. Bildet er nokre år gamalt, men eg tykkjer det viser Strikkefar på sitt beste - glad i familien sin og katten. Dessutan likar han godt å vere ute og brenne bål i Os-fjæra og gjere det koseleg for oss andre i familien. Tusen takk for det! Vi gled oss til ein ny bålsesong.

Gratulerer oldemor Astrid med 89 års dagen!

Koseleg bursdagsfeiring på Eid Eldretun i ettermiddag/kveld.

Andersenkake og lefser frå Eid Minibakeri (tidl. Smørdal og Rasmussen).

Mor Astrid har vore ei god mor og bestemor og har alltid tenkt på oss andre først.

Det er lett å bli glad i henne, syting og klaging er ikkje hennar stil.

Ho er så takksam for at ho har godt stell og snille hjelparar på aldersheimen.

Bildet er tatt av Kristine i fjor sommar på balkongen til aldersheimen.

Det er også ho som har perla hjartet og pynta gåstolen.

Øyvind 16 år

Vi gratulerer Øyvind med 16 års dagen, snart vaksen kar. Han byrja og snakke "reint" tidleg, var flink å konversere og var nysgjerrig på det meste, ein muntrasjon i mange samanhengar, mange gode minner. Han var veldig interessert i traktorar ein periode, no er det musikk, data og fotball som er i skuddet.