Hildegard

Januar

2012-01-22T15:29:00.004+01:00

Det er endå tre veker til vi får sola, og i dag var det så vakkert vér at vi måtte ta oss ein biltur for å nyte nokre solglimt. Det var då naturleg å leggje turen ut til Stårheim og tenne lys på mor og far si grav i og med at mor hadde vore 92 år i dag. Stårheimsbygda viste seg frå si beste side i dag.

Jul, storm/orkan/mørklegging m.v.

2011-12-28T18:43:00.004+01:00

Om kvelden/natt til 2. juledag opplevde vi, som så mange andre på Nord-Vestlandet, ein av dei hardaste stormane i løpet av dei siste 30 åra. Hardast gjekk det ut over Sjøgata, Almenninga og Hola. Vi slapp med skrekken og uhyggja, minna frå natta til den 1. jan 1992 vart levande igjen. Den gongen såg også deler av sentrum ut som ei krigssone. Mange har vore utan straum og telefonsamband i fleire dagar. Hos oss kom lyset igjen ca kl 10.30 2. juledag, så vi var heldige.
I og med at vi måtte ha levande lys i fleire rom, og då helst ein trygg lysestake, fann eg denne langt inne i eit skåp. Dei som har levd ei stund hugsar vel kor tid denne lysestaken kom i butikkane. Eg hugsar at den vart utseld i butikkane og eg var heldig som fekk kjøpe den på Statoil til jul.
1) Er det nokon som hugsar årstalet den kom i salg?
Etter at den vart brukt i ein komi-TV-serie, vart det litt "flaut" å bruke denne lysestaken, og mange kvitta seg med den.
2) Er det nokon som hugsar kva TV-serie?

4. søndag i advent

2011-12-18T14:12:00.004+01:00

Fint å stå opp til nysnø i dag tidleg. No har brøytebilen vore her og Besten er ute og fresar. Fredag hadde vi ein fin tur til Ørsta og Ålesund, var heldige med veret. Vi fekk med ca 5 kg ferdigmalen seifarse frå storfiskaren + litt seifilet (har igjen filet frå sendinga i okt). Steikte halvparten av farsen i går, i tillegg til krumkaker av ferdig deig i kjøleskåpet. Har steikt resten av seikakene i dag, fint å ha ferdig middag i frysaren. Eg bruka oppskrifta til Lars Barmen i "Norsk mat", enkel og grei. Steikt løk/paprika m.m. kan ein eventuelt servere som tilbehør, lettare å få ungdomen til å ete fiskekaker då, trur eg. I kveld er det familie-selskap for Hans Petter som vart 21 år i går. Utruleg at det er eitt år sidan han var ferdig med militærtenesta.

2. søndag i advent

2011-12-04T10:12:00.003+01:00

Julebordsesongen er i full gang og overnattings-gjesten vår, Henning, vekte meg i åtte-tida, så då var det berre å stå opp til ein mørk, og vindfull søndagsmorgon. Det har kome litt snø i løpet av natta og no skiftar det mellom regn og snø. Godt å få lagt i omnen og få i gang kaffitraktaren. Vi har allereide spela 2 omgangar med ludo, og no er vesleguten på 7 år i full gang å slå Besten i sjakk. Trur det er storebror, Hans, som har lært han sjakk.
Ørsta-Besta bloggar av og til om store tre som stenger for utsikta. Her hos oss er det ikkje så mykje utsikt, men det kan vere trasig med høge tre som stenger for sola. I går var Skogryddaren hos naboen og saga ned nokre granliknande tre som hadde vakse seg altfor høge. Det vart lysare i hagen vår også, sjølv om sola for lengst er borte for vinteren.

Greinkutter og lester

2011-11-28T13:27:00.005+01:00

Besten, og til dels eg, har jobba litt ute tidleg på dag, men no regnar det trollkjerringar igjen. Tre av naboane våre har skifta tak på husa sine i haust. Det har nok vore ein tøff jobb med regn, litt kulde, sleipt og glatt, men det har heldigvis gått bra, og den siste ser ut til å bli ferdig i dag. Besten kosar seg med kompostkverna under tak i hagestova, som no er rydda til arbeidsstove for vinteren. I og med at vi har fleire frukttre og 2 hekkar i hagen, har vi i fleire år tenkt å kjøpe slik kvern. No var det eit godt tilbod på Biltema, kr 1.999,-, så vi sukka til. 1. advent i går, så vi må vel byrja å vente snø. I ledige stunder har eg bl.a. strikka på eit lestepar til ein vaksen kar som treng å halde seg varm på føttene. Kjekt og enkelt å strikke striper, slepp telling og målband.

Snartur til Bergen

2011-11-26T21:26:00.007+01:00

Onsdag-torsdag var vi ein snartur til Bergen. Vi parkerte i By-garasjen og hadde kort veg bort til hotell Grand Terminus, bestilt via hotell.no. Vi fekk eit stort, flott rom i gamal stil med utsikt mot jernbanestasjonen til kr 1.232,-. Stort flott bad med badekar var der også, så det var berre å kose seg. Grand Terminus er eit gamalt ærverdig hotell frå 1928 som er tatt godt vare på. Eg har budd der nokre gonger på 70-80-90-tallet når eg var på møte/kurs i DNB. Vi fekk treffe barnebarnet vårt, Stig og kjærasten Renate, som begge studerer i Bergen. Dei hadde ikkje høve til å kome heim og feire 70-årsdagen til Besten i oktober, så vi tok ei attepå feiring i lag med dei på EGON Kjøttbasarene, ein kjempetøff restaurant/pub som berre må opplevast. Veret var dårleg, men det var kjekt med ein tur før vinteren set inn for fullt. Godt å vere vel heime før stormen Berit byrja å herje som verst.

Teater-oppleving

2011-11-20T23:19:00.003+01:00

Undset

Søndag 20. november kl 19.00

”En stor prestasjon. En sjelden opplevelse. En vakker forestilling.”

Pressa jubla, turneen var utseld, og Nationaltheatret blei fylt til randen. Ellen Horn si framstilling av Sigrid Undset blei ein suksess. Publikum fekk ikkje nok, dei ville sjå framsyninga på nytt. Etter eit utal oppmodingar har Ellen Horn difor sagt ja til ein ny turné. Du kan glede deg!

Året er 1945. Undset kjem heim frå USA. Norge er i fredsrus, men Sigrid er sliten. Ho har opplevd dramatiske år som flyktning og mista to av borna sine. Tyskarane har rasert heimen hennar, og ho veit ikkje om ho skal pakke ut.

UNDSET er ei scenisk og visuell framstilling av dei viktigaste hendingane i Sigrid Undset sitt liv med musikk av Ketil Bjørnstad.

Framsyninga er til no sett av 40 000 publikummarar.

”Formidabelt” Dagbladet
”Glimrende” Aftenposten
”Imponerende” VG
”En kraftprestasjon” Adresseavisen
”Denne forestillingen bør man ikke gå glipp av!” GD

Med Ellen Horn.

UNDSET hadde urpremiere i 2002. Av Otto Homlung og Tine Thomassen. Regi: Otto Homlung. Scenografi/ kostymedesign: Bård Thorbjørnsen. Musikk: Ketil Bjørnstad. Lysdesign Espen Solum. Produksjon av projeksjoner Knut Solhaug. Maskedesign Helge Bjørnå.

XXXXXXXXXXXXXXXXXXXXX

Kommentar frå Eidabesta:

Riksteateret med Ellen Horn som Sigrid Undset i Operahuset i kveld, ei fantastisk forestilling. Eg var i koseleg selskap med Hilde og Signe.

Nyinvestering

2011-11-16T14:41:00.005+01:00

Besten har lenge hatt bruk for eit nytt fiskehjul til båten sin, så pengegåver til 70-årsdagen vart sett av til dette formålet. Han har leita i butikkar og på internett etter fiskehjul til god kvalitet/pris, og kom til at Agdars Sportsfiske i Trondheim hadde beste tilbodet. Ula Fiskehjul ligg også ute på Finn.no, kr 2.190,- + frakt, totalt 2.289,-. I dag var han på postkontoret og henta pakken. Med ny båtkalesje og nytt fiskehjul er det vel håp om at det kan vanke litt fersk fisk av og til. Er det ikkje noko som heiter at "det er håp i hengande snøre"?

Vakkert haustvér

2011-11-08T21:04:00.007+01:00

Når vi passer Mira blir det ofte til at eg går ein luftetur med henne, gjerne om Stadion/Øyane/Malakoff/Småbåthamna, der er det fredeleg og lite trafikk. Etter å ha steikt seikaker av resten av fisken frå forrige leveranse frå vår kjære svoger i Ørsta (har fått ny leveranse!), gjekk vi den vanlege ruta i nydeleg haustver. Sola er vekk på denne sida av dalen, burde sjølvsagt tatt turen opp i Myklebuståsen, men det får vi ta ein dag Besten kan vere med. Han likar å få fred å jobbe med veteran-prosjektet sitt i garasjen. Kjekt å kome heim til ferdig middag og ei god kvild på sofaen med lydbok etterpå.

Laurdags-tur til Innvik

2011-11-05T23:02:00.005+01:00

Geilemyrane
Heggdal-støylen
Utsikt ned til Innvik og over fjorden til Røberg
Liatunet

Svein har lenge hatt lyst på ein "guida" tur til Innvik, så Lise og Kjell inviterte oss med på tur i dag - som ei "avslutning" på 70-års feiringa hans. Vi køyrde først opp til Liatunet, ein gamal gard med fleire restaurerte bygningar som er overtatt av Stryn kommune. I sommar-halvåret er det fleire aktivitetar/arrangement på denne garden, og ein kan leige huset på bildet til selskap etc.
Vi køyrde også langt opp i fjellsida på skogsvegen mot Lyslo-støylen. Før i tida var det ein tung og lang sætreveg opp dit. No er det berre eit kort stykkje å gå opp til støylen frå skogsvegen - men den turen får vi ta ein annan gong. Storslått utsikt ned til Innvik-bygda og over fjorden til Øvre (og nedre) Røberg der Mattis Isakson Røberg, oldefaren til Kjell og Svein, kom frå. Vi såg også ut til Heggdal-støylen der mor til Lise var budeie i gamle dagar.
Vegen opp til Geilemyrane er lagt om, og siste stykket er strak og bein. Dei gamle husa hos naboen, "Johansane", er borte, og det er bygt 2 nye hus nedom vegen (ikkje med på bildet). Det gamle bustadhuset til Johannes og Herborg stod omtrent der den raude garasjen til høgre på bildet er no. Hos Marianne og Arild fekk vi nydeleg hjortegryte, kake og kaffi, og det var kjekt å få treffe dei tre aktive døtrene deira, Lene, Heidi og Thea. Takk for ein kjekk dag!

Bursdagsfeiring

2011-10-31T12:04:00.003+01:00

Triveleg bursdagsfeiring for Svein i går med søndags-buffet på Nordfjord Hotell og kaffi/kaker heime i Alleen. Jubilanten si næraste familie var samla, 27 med smått og stort. Ei av gåvene var denne fotskammelen med inskripsjon: "på godfot med deg, stig opp på meg". Symbolsk den også?
Takk for alle gåvene, både på dagen den 25. og i går! Eldstejenta av barnebarna, Ingrid, heldt ei morsom tale på vegne av dei 11 barnebarna (7-23 år), noko Besten sette stor pris på.

Bursdagar i oktober

2011-10-27T23:49:00.005+02:00

I kveld feira vi Bjørnar sin 16 årsdag. Koseleg som alltid på Os. Svein feira 70 årsdagen sin den 25., og vi gleder oss over at Rasmus fekk feire sin 68-årsdag den 26. Bildet viser ein vakker presang Svein fekk til sin dag. Litt symbolsk.

Ny båtkalesje

2011-10-03T21:04:00.007+02:00

Vi skulle ha fått ny kalesje på båten vår for lenge sidan, men det har vore vanskeleg å få firmaet i Måløy (http://www.maloy-industrisom.no/batkalesjer) til å ta oppdraget utan at vi frakta båten ut i flyte-hallen deira, noko vi kvidde oss på. I år lukkast det endeleg å få ein mann til å kome og ta mål inne i båthamna vår, han hadde visst andre oppdrag der også. Mens vi venta på den nye kalesja, hadde Svein festa ei gamal kalesje provisorisk for å halde ute regnet. I går hadde vi oss ein søndagstur nedom båthamna for å sjekke om det var lekasje, og då fekk vi den overaskinga. Kalesja var montert og alt såg bra ut! Flott service og fint arbeid, så no er det berre å vente på rekninga i posten, det blir nok dyrt. Eg har sagt at det får vere 70-års-presangen frå meg. Svein er ingen storfiskar, men han set pris på å ta seg ein tur på sjøen av og til og det blir som oftast ei "koke" eller to når han tek turen. Vi har det trygt, lettvint og fint i småbåthamna, med 2 flytebryggjer og 3 naustrekkjer innafor moloen. Det var eit storarbeid då dei mudra ut for flytebryggja sør for dampskipskaia og vest for meieriet og VS. No er det blitt eit attraktivt fritidsområde ved Os-elva og badestranda utanfor moloen.

Tur i marka

2011-09-18T23:43:00.006+02:00

Fin søndagstur til Heida og hytta til Elin og Jostein. Tinka var med dei, og dei hadde overnatta i vakkert haustver. Vakker utsikt frå hytta deira som ligg fritt og fint like nedanfor Heida, som er sætra der mor vår var budeie. Slettebø-selet ligg til venstre i bildet. På heimturen køyrde vi ned om Sjøsætra der eg var "budeie" i lag med mor og Marie Myrstad i gamle dagar. Desse to sætrane ligg ganske nær kvarandre, Heida for Remmedølene og Sjøsætra for Hafsåsarane.

Bursdagsfeiring på Golvsengane

2011-09-06T00:46:00.005+02:00

Den nymåla loftsstova vart innvigd med brettspel. Litt nakne veggar endå, men det ordnar seg nok etter kvart.

Kris hjelper onkel Stein med dataproblemer:

Kristine har feira bursdag i 3 dagar, klassekameratar fredag, mor si fam laurdag og far sin fam søndag. Alle dei 11 søskenbarna var samla denne gongen, lenge sidan sist. Stig var heime frå Bergen på langhelg og Kris heime frå Ålesund.

Bursdagar i september

2011-09-03T12:51:00.006+02:00

Gratulerer niesa mi, Anna Pernille, med 40-årsdagen i dag! Har funne fram foto av henne som konfirmant, tante (Sara), og brud (2009). Anna Pernille er ei skikkeleg gladjente.
---
Ei anna gladjente er barnebarnet vårt, Kristine. Gratulerer med 11-årsdagen i dag. Ho er m.a. interessert i fotball, handball, turn, kunst og hund (Mira).

Pensjonist-tur til Kongsberg

2011-08-29T16:47:00.014+02:00

Vakker park mellom elva og hotellet, mange statuer.

Fiskaren i fossen er ei statue.
Eit triveleg hotell

Stall K, eit flott anlegg med utandørs- og innandørs ridebane, mange stallar og flotte hestar.
Leirskule, kurs, kjøp/sal av hestar m.v.

På ein slik plass er det fint å ha mange kattar, her er den finaste vi såg:

Fabiano på plass i hestevogna, Roger er erfaren hestekar:

Farvel til Stall K:
Vel heime på hestesenteret på Nordfjordeid:

Fam. til Audny har selt hesten, Don, til K-stall i Kongsberg. Wendy er på fòr i Sykkylven og vil også bli selt. I staden har dei kjøpt seg ein 4-års valak som vi var med dei ned og henta sist helg. Vi køyrde i to bilar - vi skulle vere følgjebil om det skulle bli problem på heimvegen og Svein reservesjåfør. Vi køyrde over Sogn og hadde ein heller våt tur nedover Hallingdalen, med skodde og ein del vatn i vegbana. Dei unge køyrde til Liersenteret for å handle hesteutstyr, men vi to pensjonistane køyrde direkte til Kongsberg. Vi var alle bortom stallen og såg på hesten og sjekka at hengaren stod på plass. Don hadde hatt den nedover tidlegare i sommar. Audny hadde bestilt rom på Quality hotel ved elva i sentrum øst i Kongsberg, ein koseleg del av byen. Vi køya tidleg etter ein betre middag på Big Horn Steak House og var oppe tidleg søndag til fint vér. Etter ein god frukost gjekk turen til K-stall for å klargjere hestevogna og Fabiano, som hesten heiter. Han er ein god del større enn dei tidlegare hestane deira og skal trenast opp til dressur-riding av Ingrid. Det gjekk fint å få hesten i vogna, så vi køyrde frå Kongsberg kl 10 og var heime kl 17. Hesten stod fint i vogna, sjølv om det var ei ny erfaring for han, så vi køyrde i eitt strekk - 4 t. til ferja på Fodnes. I og med at hesten var roleg i vogna, trengde ikkje Audny avlastning med køyringa, så vi hadde ein avslappande pensjonist-tur bak hestevogna heimover. Det var ein fin tur over Gol og Hemsedal-fjellet.

2011-08-18T18:07:00.002+02:00

Desse halvstrømpene har eg strikka på i sommar til Kristine. Det er hennar idé, veit ikkje kvar ho har tatt den ifrå. Sytalaust strikk med så lang vrangbord.

Tur til innfjorden

2011-08-13T20:40:00.007+02:00

Resepsjon og kafé, Sande Camping i Lodalen. Ein flott campingplass.

Campingplassen i sentrum av Loen. Skålatårnet ligg opp og bak fjellet til høgre i bildet:
Søndagstur til Loen. Besøkte Stig og Renate som skal attende til Bergen og studier i morgon.
Motbakkeløpet "Skåla opp" i dag, mykje folk i Loen. Vi tok turen opp i Lodalen etter at løpet var over. Kjøpte middag på kafeen til Sande Camping, ein fin og koseleg campingplass ved Loenvatnet. Stein og Margunn var med, Kristine ville vere igjen hos S+R og småsøkena hennar.

Ut mot havet

2011-08-08T23:04:00.005+02:00

Grotlesanden laurdag
Kveld på hytta
Laurdag reiste vi ut til hytta, Kristine og Mira var med. Dei andre i fam til Stein gjekk på Skåla. Vi tok ein avstikkar til Grotlesanden, men vi såg ingen som bada. Handla på Joker-butikken på Igland/Hauge. Vi hadde brukbart ver med litt vind, så knotten var ikkje så ille. Sol tidleg på dag, tilskying på kvelden. Søndag fekk vi besøk av dei som hadde gått på Skåla og hadde ein koseleg ettermiddag. K+M vart med dei inn att om kvelden. Fint i dag også, hadde ein roleg føremiddag, jobba med litt måling og vasking før vi reiste inn att i kveldinga.

Dagstur over fjellet.

2011-08-01T21:12:00.010+02:00

Den nye Turtagrø-hytta og fjella vi ser derifrå. Her møtes vegane Lom-Turtagrø-Sogn og Årdal-Turtagrø:

På toppen av Norge og like før ein byrjar på nedturen mot Bøverdalen/Lom, Galhøgpiggen langt borte i syninga:
Vi hadde ein fin tur i vakkert ver over Sognefjellet i går. Tok Loteferja og køyrde over Skei-Fjærland-Sogndal-Luster. Vakkert i indre Sogn også. Reinsdyrsteik på Lom før vi snudde nasen vestover igjen over Strynefjellet.

Tid for ettertanke.

2011-07-26T16:54:00.004+02:00

Eg har som oftast liggjande ei bok eg les i ledige stunder. Lydboka "Etterpå" med Wencke Foss m.fl. er humoristisk og tankevekkjande. Lånte den på bibl., berre 4 cd-ar, så det er overkomeleg. Høver for "Vi over 60". Eg er imponert over sonen hennar, Fabian Stang, har nok arva mykje etter mor si. "Den gode kraften" av Snåsamannen, fekk Svein av Oserane for ei tid sidan. Den har også gjort inntrykk på meg. Elles har eg liggjande ein haug med bøker som eg har planer om å lese. Kristine og eg går som oftast på biblioteket ein gong i mnd., kjekt at ho får "gode" vanar. Ho likar godt å lese bøker, gjerne krim eller humor.

Snartur til Loen

2011-07-24T23:26:00.004+02:00

Opa kyrkjedør på den gamle kyrkja som ligg ved starten på Lodalen.

Ærverdige Aleksandra hotell.

Turistbåt frå Olden.

I kveld køyrde vi Stig inn att til Loen. Han har feriejobb på NK i lag med samboer Renate. Roleg Malakoff Rockfestival på gutane i år - dei hadde kosa seg på Os begge kveldane. Berre over elva til festivalområdet, så dei fekk med seg musikken. Artistane var prega av dei triste hendingane på Austlandet. Bjørn Eidsvåg var ein av artistane laurdag og han avslutta med "Eg ser..". Vi sat i hagestova og fekk med oss det meste.

Blikkfang på Flø

2011-07-19T21:35:00.006+02:00

I dag var Strikkemor, Lappetausa, Henning, Besten og eg på impulstur til byen Ulsteinvik på Sunnmøre. Vi starta handleturen på Valaker konditori i lag med Solveig og Olaug som er kjentfolk i byen. Mange fine butikkar i "Amfi" og "Det blå huset". Besten, Henning og eg tok turen opp til Biltema, Jernia og Lefdal mens jentene shoppa i sentrum. Vi kjøpte ny støvsugar, ein liten mikrobølgeomn og ny klyppemaskin til Besten + eit spel til Henning. Deretter tok vi ein rask tur ut til Flø, vakkert, men det låg tåke i havet, så vi fekk ikkje full uttelling. Eg var innom Moods of Norway-butikken der, stilig men dyrt - sjølv til 50 %. Eg har sett eit artig TV-program frå Flø som handla om M o N og ein musikk-festival der ute.
Jentene hadde avtala at vi skulle ta ein tur til Hareid og besøkje Solveig som er "gressenke" for tida. Ho serverte herleg lunsj og vi kosa oss med god prat, fekk også helse på dei 3 ungdomane i huset + katten og 2 kaniner. Takk for ein fin dag.

Diverse

2011-07-14T19:45:00.008+02:00

Mira kosar seg i skuggen under pæretreet

Hornindalsvatnet mot Nord sandtak:
H.vatnet mot Nesbakk og Sendaren på Sagtinden:
Mira vassar i H.vatnet i Vedvika:
Besten og Mira på rasteplassen ved Vedvika (til høgre):
Besten slo plenen i går, og i dag vart det tur til avfalls-mottaket i Leivdalen med grassekkar m.v. Vi tok ein snartur opp i Vedvika som er ei perle sommars dag. Denne rasteplassen er oftast opptatt, men i dag var der ingen. Det går fint å bade der også.

Stor byggeaktivitet på Golvsengane

2011-07-13T21:04:00.007+02:00

Når vi har Mira i pensjon, får eg meg mange fine trimturar. I dag gjekk eg for første gong den nye gangvegen opp forbi folkehøgskulen, ein fin snarveg for skuleungdom frå Golvsengane og Myklebuståsen. Det var litt vanskeleg å ta bilde med ein hund i band, men fekk knipsa eitt i retning huset til Stein (raudt) og vestveggen av den nye kommunale barnehagen som skal takast i bruk frå komande skuleår. Det ser noko uferdig ut, men det er ein mnd. igjen til skulestart. Det er eit langt bygg i 2 etg. i skrå tomt slik at det ikkje er trapper utvendig. Barnehagen skal ha 8 avdelingar med born frå 1 - 6 år. Den erstattar eit par av dei gamle kommunale barnehagane i tillegg til at det blir nye plassar slik at vi får full barnehagedekning i kommunen. Eg får leggje inn eit skikkeleg bilde av barnehagen og byggefeltet seinare, når det meste er på plass.
Svein har slått plenen i dag og fått fin trim med det. Fint ver i dag, men sterk vestavind på ettermiddagen.

Båtpuss

2011-07-05T22:46:00.006+02:00

Øyvind og Kristine i småbåthamna.

Dag 2: Øyvind i fullt arbeid.

No er båten endeleg klargjort for sesongen, skulle vore gjort før, men mykje anna som måtte gjerast først og det er venteliste på slippen. I morgon blir det sjøsetjing på flo sjø. Båten vart kjøpt i 1983 på Bjerkneset v/Volda, Møring 21. Ei stor investering for oss den gongen. Svein monterte sjølv Volvo Penta motoren og ror/propell mens båten var plassert i hagen. I 2005 bytta han til ferskvanns-avkjølt motor Nogva Nanni 21HK, hadde også denne gongen båten i hagen, bringa/henta av kranbil. Har bytta kalesje eit par gonger, skulle spandert ny igjen, men får ta ting litt etter kvart. Båten ligg i småbåthamna heile året, så det blir sjølvsagt litt slitasje på kalesja, spesielt i vinterhalvåret. Det har vorte berre eit par fisketurar med Kristine til no i år på grunn av at båten var godt grodde under og på ror/propell. No håper vi på fine sommardagar som kan nytast på sjøen.

Gloppe-tur

2011-07-02T23:15:00.006+02:00

Biltur inn til Lappetausa i vakkert sommarver i dag. Vi hadde med ei barneseng til barnebarnet når han overnattar hos mormor. Lisjemora vår var også med. Lappetausa hadde laga nydeleg rømmegraut og vi kosa oss på terassen i fineveret. Vi hadde oss ein liten trimtur opp på øvste attelega til svogeren som driv garden på Rygg. Lappetausa bur landleg til opp mot skogen, snø på fjella endå i sør. Ho har naturtomt med masse fine stauder og fine krukker med blomster i på terassen. Vesleguten fekk presang som han måtte pakke ut. Vi fann dessverre ikkje T-skjorter med traktor-motiv.

Jonsokfeiring i Os-fjøra

2011-06-23T23:54:00.003+02:00

Koseleg jonsokfeiring i tradisjonell stil. Vi var som vanleg mange, sjølv om vi mangla Ole, Stig og Hans. Her er det restar av kaninburet til Stein Inge som går opp i flammar. Vi fire besteforeldra fekk sitje godt og varmt i kasserte sofaer, godt at Oddvar har god plass i naustet. Vi feira etterpå-bursdagen til Hilde med kanelsnurrar, sjokoladekake og grillmat.

Harpefossen hyttegrend

2011-06-19T18:08:00.008+02:00

Øverst: Utsikt frå hyttefeltet og fram gjennom Smørdalen, Hjelmelandsdalen, mot den snødekte Gjegnen-fjellheimen langt i vest
Nedanfor:
Utsikt frå hyttefeltet mot dalen/skaret som går over til Fossane. Det skal visst nok bli ridesti frå Fossane til Harpefossen:

Dei øverste hyttene er langt oppe i fjellsida. God veg heilt opp:
Utsikt mot Tippasætra:
Lengst nede i feltet, nær det eldste trekket og Varmestova:
Vi tok oss ein biltur ut på Stårheim kyrkjegard, bursdagen til far og Elin i dag. Elin er i Dublin på songartur. Deretter køyrde vi gjennom Remmedalen og inn på Harpefossen. Vi har ikkje vore så langt opp i hyttefeltet tidlegare. Store hytter og flott utsikt, rikingar frå Måløy og Møre m.fl. har befolka dalen. Det er bygt eit heilt nytt skitrekk i tillegg til det gamle anlegget med varmestove og kiosk. Bygever i dag, fint når sola fekk sleppe til. Dei som har vore vekke i helga og siste veka er på veg heim igjen.

Hyttetur

2011-06-15T09:01:00.007+02:00

Måndag, 2. pinsdag, tok vi dei gamle tre-hagemøblane i hengaren og reiste ut på hytta: benk, to stolar og bord. Praktisk med tunge ute-møblar ved havet. Måndag var det fint ver og vakker solnedgang ca. kl 23.15. Men som det viser på bildet, følgde skyene frå søraust sola ned i havet og om natta regna det. Vi blir aldri lei av å nyte utsikten og solnedgangen på Nesje. Brukbart ver tidleg på tysdag, så vi fekk gjere ferdig slåtten for denne gongen. Hadde også lass inn att på hengaren tysdag kveld. Mykje rusk og rask som har samla seg opp gjennom åra. Vi passer Mira denne veka, så ho var med oss. Mykje sauer som beiter og skit i området, så vi er glade for å ha innegjerda hyttetomt. Måtte ha eit auge med hunden som var ekstra interessert i sauene. I morgon, torsdag, ventar vi overnattings-gjestar. EM og JP kjem ein snartur over fjellet i samband med gravferd til ein slektning i Måløy.
I dag er Strikkemor 45 år. Feiring blir det vel ikkje før i helga - i kveld er det avslutningsfest for barneskulen og i morgon er det ungdomsskulen, begge i Operaen.
Utruleg å tenkje på at den dagen ho vart fødd var det 33 varmegrader. I dag har vi i underkant av 15 varmegrader!

Hagearbeid

2011-06-08T18:20:00.003+02:00

I dag har vi hatt ein strålande fin dag med god varme i lufta. Vi har lenge hatt lyst til å fjerne det gamle epletreet som var her då vi overtok eigedomen etter besteforeldra til Svein på slutten av sekstitalet. Det blomstrar så fint om våren, men epla er det lite stas med, meir til irritasjon. Det skal få endå ein sjanse, så i dag har Svein saga det mykje ned, så får vi sjå om det er liv laga. Dette er det siste av dei gamle trea i "bestemorhagen". Elles er det alltid eit kvart som skal gjerast ute når veret er bra. Berre synd at det er så få fine dagar og at alle må nytte høvet å klyppe plen slike dagar. Som pensjonistar kan vi nyte freden tidleg på dag, så vi skal ikkje klage, men hugsar at det ofte var trasig den tida ein var i jobb og ville kose seg ute på ettermiddagane og kveldane.

Søndags-tur

2011-06-05T21:28:00.006+02:00

Foto tatt frå Os-brua mot elvaosen i vest. Stor vassføring og trangt i utløpet.

Hesteskokasting på grusbana bak Valhall.

To av dei mange bilda på skiltet ved Valhall:

I dag har det vore ein fin dag, sol, vindstille og brukbar temparatur. Tidlegare i veka har det vore mykje synnavind og regn. Det vart til at vi tok oss ein spasertur gjennom Malakoff, bortom elva og prata Ole Kr. Sjølefolket + Henning var på fotball-turnering i Hornindal. På grusbana bak Valhall var det turnering i hestesko-kasting. No er det komt eit nytt stort skilt ved gangvegen mellom Valhall og hotellet, med bilder frå gamle dagar og nokre litt nyare, mykje interessant. Det er bilder på begge sider av skilta med tekst på 3 språk. Eg tok foto av to av bilda denne gongen. Det er vel verd å ta turen bort dit og studere alle bilda. Eg har vel blogga det andre store skiltet som står nede ved scena tidlegare. Fint å parkere, spasere og ha picnic i området.

Start på fiskesesongen

2011-06-02T22:28:00.005+02:00

Kristi himmelfartsdag:
Svein er forkjøla og har halde seg inne i heile dag, kjøleg i veret og ingen hundar å passe. Det vart til at eg gjekk meg ein tur åleine opp til Stokkenes og såg til gravene og deretter ein runde forbi Elvebøen og Stadion. Det er stor vassføring i Eidselva for tida og fiskesesongen starta natt til 1. juni. Iflg. fjordabladet.no vart det tatt ein laks på 15,5 kg berre 5 min. inn i den nye sesongen. Bildet er tatt frå hestestallane v/Stadion mot fiskehytta på Skipenes Gard som satsar på turisme som attåtnæring. Dei to hestane i familien vart flytta til utebeite på Skipenes i dag, ein del arbeid for gjengen å setje opp gjerde og klargjere for sommarsesongen.

Jentefotball er gøy!

2011-05-26T19:35:00.007+02:00

Kristine sitt lag (11 år) spelar i 12-års-serien. Stein Inge er trenaren deira. Det er første året dei spelar ordinære kampar. Tidlegare har det vore turneringar (Henning er i gang med det). I dag spela dei heimekamp på Eid Idrettspark (kunstgras) mot Vikane. Dei vann 6-5 sjølv om det andre laget var 12/13 år, iflg. Kristine. (Første tapet til bortelaget, var det sagt, kanskje Heidi frå Innvik var der?) Eg gjekk trimtur med Mira og stoppa ei stund og tok nokre bilder, ikkje godt å halde Mira i ro så kvaliteten på bilda vart ikkje heilt gode. Dette var 4de kampen deira.

Ei sann historie frå krigen, delvis knytta til Nordfjordeid

2011-05-12T18:24:00.000+02:00

Denne boka har det vore skrive litt om i media. Eg fekk anbefalt boka på biblioteket og Svein har lese den. Pleiemora til hovudpersonen, Edgar, var Agnes Sætre frå Nordfjordeid. Kanskje Besta hugsar noko frå denne hendinga? Hovudpersonen lever framleis.

Atlanterhavsparken

2011-05-08T21:44:00.004+02:00

Vi har besøkt Kris i Ålesund i dag. Han les til eksamen og tek seg ikkje tid å reise heim i mai. Vakkert og varmt ver i dag, så vi reiste ut på Tueneset friluftsområde. Utruleg vakkert der ute, såg bl.a. over til Kvitneset der vi var i sept. i fjor med Øystein som guide. Vi var innom Atlanterhavsparken og såg på mating av pingvinane ute og alle fiskeartane inne i bassenga. Eit flott anlegg som vi lenge har snakka om å besøkje. Etterpå var vi inn i sentrum av Ålebyen og såg på folkelivet. Det vart ikkje tid å vitje Besta i Ørsta denne gongen.

"Mai du milde" - Laurdag den 7.

2011-05-08T00:21:00.004+02:00

I ettermiddag feira vi dagen til Stein Inge på verandaen i vakkert vårver. Koseleg kaffistund med gode kaker og kanelsnurrar. Då vi reiste heim att, tok vi ein tur bort på Hærmuseet og såg på det flotte skiltet som fotograf Lars Lunde og Plassens Venner har sett opp ved utescena. Det skal kome opp eit par stykker til. Mykje dugnadsarbeid denne tida i Malakoff. I Øyane har det vore hesteutstilling denne helga. Audny og jentene har vore med å jobba med matservering/kiosk der til inntekt for Eid Ride og Køyreklubb.

Måndags-trim

2011-05-02T17:28:00.007+02:00

Denne helga har mandeltreet i hagen vår slått ut i full blomst.

Vegvisar ved "Tsjernobyl". Her kan ein velje om ein vil gå opp på Fossane eller gå andre råser i området.

Dette er "Tsjernobyl", vassreservoaret ovanfor Vårsætra.

Her ser ein ned på N.eid sentrum frå Utsikten, gardstunet til "Olen" midt på bildet. Litt dis i lufta i dag så det vart ikkje så gode bilder av fjellheimen i sør. Får ta det ein annan gong.

Vi er blitt tipsa om ei fin trimløype/skogsveg som går vestover frå "Tsjernobyl" ovanfor Myklebuståsen. I dag var det høveleg ver og vi trengde å røre litt på oss etter bursdagskalaset i går hos Lise og Kjell i Stryn. Vi køyrde opp i øvre Myklebuståsen og gjekk derifrå. Det er fint å gå på grusveg og i terreng. Etter ein tøff vinter med kulde og glatte vegar er det ein fornøyelse å vere ute i skog og mark. Fin rasteplass ved Utsikten med bord og benker og trim-bok å skrive namnet sitt i. Hadde ein koseleg prat på benken med ei dame vi kjenner som også var på tur. Eit par familiebarnehagar var også på tur, men dei gjekk berre opp på Vårsætra der det er trygt og fint for ungane å leike.

Nye utemøblar

2011-04-26T21:34:00.002+02:00

Etter at vi fekk lys-tak over uteplassen vår for eit par år sidan, har det vore meininga at vi skulle fornye utemøblane. I dag kom det FK-brosjyre i posten med "kupp" på denne Oregon-gruppa - og det vart til at vi køyrde bort og kjøpte den. Så no er det berre å kome på kaffe-besøk. Dei gamle tremøblande skal vi ta ut på hytta. Der høver det godt med tunge impregnerte møblar som kan stå ute i vér og vind.

Påske ved havet

2011-04-25T00:54:00.003+02:00

Langfredag reiste vi på hytta. Dette var første turen i år og alt stod vel til der ute. Strålande ver og Kristine og Mira vart med på turen. Vi hadde eit stopp ved den vakre småbåthamna i Rugsund. Artig å sjå Hornelen frå denne vinkelen. På vegen utover hadde vi oss ein tur bort i det nye hyttefeltet på Gildreneset der det no er komen veg heilt bort til hytta til Sørgulen. Vakker utsikt mot bruene i Kalvåg og øyane. Vi feira ein roleg 66-års-bursdag på påskeafta. Hadde oss ein liten tur inn i Kalvåg og handla og såg på livet der. Stein Inge kom på besøk og vi kosa oss med kaker og godsaker frå Kalvåg. Ut på ettermiddagen reiste han og Kristine/Mira inn att. Veret endra seg i løpet av søndagen, så vi reiste inn att ut på dagen.

Måløy-tur

2011-04-20T10:07:00.004+02:00

I går gjekk bilturen til Måløy i lag med "Strikkemor" og minstemann. Hensikten med turen var at Hilde skulle hente bilen deira som var til reparasjon/service hos Barmen og Lund.
Før vi henta bilen, vart det både sightseeing, kafébesøk og shopping. Vi køyrde ein snartur ut til Raudeberg, ny fin veg og tunnell der no. På 1960-talet budde Olaug og Nils - og etter kvart Solveig og Rasmus på Raudeberg, så det vart litt mimring om turane vi hadde ut til dei i lag med farmor Amanda. Dette var før Måløy-brua var bygd, så vi måtte ta ferge Deknepollen-Måløy. Tok bilde av skulen Olaug jobba på og huset (vi trur) dei budde i. Begge bygga er påbygde sidan den tid.
Besten og Henning køyrde inn att ei stund før Hilde og meg slik at vi kunne ta ein butikkrunde i fred og ro. Vi var sjølvsagt innom ein garnbutikk, kjekt å sjå og kjenne utan å kjøpe så mykje. Koselege butikkar i hovedgata som vi gjekk til endes frå Måløy Torg til B&L.

Palmesøndag

2011-04-17T13:25:00.004+02:00

Påska i år startar med regn og gråvér, men det skal bli betre ut i veka. Ikkje mykje fint å fotografere ute, så eg fann nokre gule blomsterbilder på nettet. Fekk dermed assosiasjoner til denne tida for 6 år sidan, då eg og nokre kollegaer var i Amsterdam på langhelg og besøkte "Keukenhof", opprinneleg kjøkkenhagen til eit gamalt slott, no ein flott blomsterpark.
Vil med dette ønskje alle ei riktig god påske!

Kvivsvegen frå Nordfjord-sida

2011-04-10T17:47:00.008+02:00

I vinter har vi for det meste brukt den 16 år gamle 4x4 jeepen til småkøyring på glatte og skada vegar i sentrum. Strekninga har hovedsakleg vore Os-skuleområdet-Golvsengane- Alleen. Når vi køyrer litt lengre turar, er det kjekt å bruke den nye bilen. I dag gjekk turen til Hornindal for å gjere oss kjende med Kvivsvegen frå Nordfjord-sida. Stoppa ved Svor-museet og tok litt bilder. Vårleg og fint på Grodås og vatnet var isfritt:

Vi køyrde vegen på vest-sida av elva mot Gausemel og der kunne ein sjå i tunnellen. Der var arbeid på gang og adgang forbudt. Mykje anleggarbeid ved riksvegen opp gjennom dalen for å knyte gamal og ny veg saman. Det blir nok ei stund endå før det blir ny veg opp dalen mot Hellessylt/Stranda:

West Side Story

2011-03-29T12:38:00.003+02:00

Bildet er frå Wikipedia. WSS er ein musikal frå 1957, fritt tolka etter Shakespear sitt teaterstykke, Romeo og Julie. Musikken er av L. Bernstein, første visning var på Broadway, seinare over heile verda, sist i Oslo i 2006. Historia blir tolka ved tekst, sang og dans. Musikalen blei filmatisert i 1961 med bl.a. Natalie Wood, og fekk mange prisar.
Sist søndag var eg og fleire av damene i familien på matiné i Operahuset på Nordfjordeid og såg/høyrde elevar ved Vidareg. Skule framføre WSS med musikk ved operaorkesteret.
I orkesteret var også 8 unge eidarar. EVS har ikkje eiga musikkline, men vi har ein god kommunal musikkskule og dyktige folk i tilknytning til operahuset som gjer at det muleg å få til ei slik storsatsing. Mange flinke songtalent og skodespelarar/danserar ved skulen. Maria vart spela av Nina Hopland Erviksæter frå Kjølsdalen, Tony av Dan Jøran Hafsås frå Stårheim. Hilde tykte det var spesielt artig med Nina som gjekk i Alleén familiebarnehagen hos henne på 90-talet! Ho har ei vakker sangstemme. Dan er også dyktig, har vore med fleire gonger i Operaen i regi av EVS. Framføringa var på nynorsk og "engelsk/portugisisk", veldig artig. Vakre kjolar og fin dans og gode sangframføringar både av jentene og gutane.

Bursdagar i mars

2011-03-28T18:08:00.006+02:00

Gratulerer den ungdommelege syster/svigerinne Olaug med 71 årsdagen!
Rosa øverst fekk Besten levert på døra i dag av ein "kjendis" her i bygda som køyrer drosje og som meiner det er kjekkast å gje blomar mens mottakaren er i live. Orkidéen under fekk vi av Ørsta-Besta/Besten og Ariel då dei var på besøk i vinterferien.
Ingrid (den 9.) og Audny (den 31.) har også bursdagar i mars.

"Plassens venner"

2011-03-20T13:12:00.011+01:00

I går var den årlege basaren i Valhall til inntekt for "Plassens venner". Mykje folk og god basarstemning med åresal, lodd på bok, kaffi/kaker og underhaldning av skulemusikken. Kristine og eg var der ei heil stund, Hilde og Henning kom også. Vi vann det flotte fargefotoet av Nordfjordeid skule frå 1968, ein av dei mange gevinstane frå fotograf og foto-doktor Lars Lunde. Mange fine gevinstar frå hobbykunstnarar i trearbeid, Ove Sunde, Inge Gjul og Anders Nordbø. Oddvar og fleire driftige personar har ein god del dugnad for å halde alle husa og Plassen i orden. Som kjent er Malakoff rockefestival der kvart år og fleire andre arrangement. Gå inn på denne linken og les om dette:
http://www.eidaportalen.no/nyhende/item/1650-god-gamaldags-basar-i-valhall.

Bakedag

2011-03-17T15:33:00.002+01:00

Henning litt småsjuk i dag og kunne ikkje vere med klassa si på skitur, så han har vore her med oss. Han er ikkje vanskeleg å passe, 7 år og flink å styre med Pocemon-kort, kabal på PC-en, TV-titting, DS og litt kortspel og sjakk. Han slår meg som ingenting i sjakk. Innimellom "slaga" har eg baka ein stor porsjon boller og 3 grovbrød. Prøvde meg på rugbrød i dag: sammalt rug fin, sammalt kveite grov og fint kveitemjøl, totalt meir enn 50 % grovt (ikkje korn/kli). Rugen gjer at deiga blir klissete, fann derfor ut at eg skulle "ause" den opp i formene (som ein gjer med Ingers grovbrød). Resultatet vart uventa bra, mjukt og godt.

Måløy-tur

2011-03-14T20:57:00.003+01:00

I dag var vi tidleg oppe og tok oss ein biltur til Måløy. Fint ver med sol over snødekte fjell, det er vakkert ute ved kysten. Vi var innom Måløy Brygge, kjøpte to persienner til stoveglasa mot vest på Princess, hyggjeleg og hjelpsam butikkdame. Markisene vi har hatt utvendig i mange år er modne for utskifting. Var også innom Fagmøbler ved Måløy Stormarked i Deknepollen. Såg etter nye stolar til spisebordet i stova. Denne gongen er vi kritiske til kvalitet og pris. Klarte ikkje å bestemme oss, fekk bl.a. 15 års jubileums-tilbod på Eiker spisestue, bord med ei ekstra plate og 6 stolar til kr 12.995,-. Lekkert, men kva skal vi eventuelt gjere med det gamle spisebordet? Nei, vi får tenke litt til. Trykkertane i verandadøra vår er kaputt, etter flittig bruk, så Svein såg etter nye hos Byggmakker. Dei råda han til å høyre med dei som har levert døra, Nordvestvinduet AS i Almenning. Det vart til at vi stansa der på veg innover og han fekk nytt sylindersett og vridersett til kr 1.200,-. Dei hadde ikkje betalingsterminal, og vi hadde berre kr 1.100,- i cash, så vi skal sende kr 100,- pr. post! Fin service, men utruleg at vi ikkje berre fekk ein giro med kontonr. Tankelaust av oss å ikkje ha meir kontantar, men eg er ivrig kortbrukar og har sjeldan kontantar.

"Evig ung"

2011-03-10T22:50:00.003+01:00

I kveld har vi vore i Operaen på musikkteateret "Evig ung" i regi av Det norske teatret/Riksteateret. Begge døtrene vart også med, ein triveleg kveld med mykje latter.
Stykket gjekk tidlegare for fulle hus i Oslo og fekk komiprisen for 2009. Kjende skodespelarar, fleire med gode sangstemmer. Dei har turné over heile landet, i morgon er dei i Førde.
Mykje informasjon på google.
http://www.riksteatret.no/db/production.shtml?mac=production&id=5364199&det=1

Gratulerer Ingrid med 17 årsdagen!

2011-03-09T23:49:00.003+01:00

Eg tok sjansen på eit bilde av eldstejenta i barnebarn-flokken som ho sjølv har på Facebook.
Ingrid er ei stor, flott heste-jente og absolutt vakrast når ho er blid, seier eg til henne.
Ho er flink på skulen og ein snill og hjelpsom kamerat, slik eg har forstått det.
Utruleg at ho snart må ut i verda for å få seg utdanning, tykkjer ikkje det er lenge sidan ho var eit lite nurk. Familieselskapet var på søndag, i kveld er det venneselskap.

Vårstemning siste dagen i februar.

2011-03-01T09:57:00.005+01:00

Viktor kosa seg på isen i går.
Slik ser det ut i hagen vår no, mykje is som skal smelte. I går hadde vi sola i fleire timar, sat ute ei lita stund og naut solstrålane. I dag er det regn/sludd i lufta og kald vind, 4,4 pluss grader, men føles kaldare. Det er vel litt optimistisk å tru at det ikkje kjem meir snø, sjølv om vi no har 1. mars.

Henning er 7 år i dag!

2011-02-21T10:40:00.005+01:00

Gratulerer god-guten på Os med 7-års-dagen! Vi er forholdsvis "unge" besteforeldre, kunne vore oldeforeldre dersom "forholda hadde lege til rette" for det. Ein av grunnane kan kanskje vere at dei 5 eldste, myndige, er gutar, eller er det ei ny tid vi lever i? Eg skal ikkje spekulere meir på det, alt til si tid. Vi har det veldig kjekt med Henning (og Kristine 10 år), mykje besøk av dei og pannekakesteiking m.v. Denne veka er det skuleferie, så venneselskap blir det vel ikkje før i neste veke. Nokre gjestar hadde han, alle som ikkje er bortreist på ferie var der på pizza og gode kaker. Eg steikte sveler a la Solveig med 6 egg, men trur ikkje eg fekk dei så gode som dei Strikkemor fekk då ho var på besøk hos henne i fjor. Utruleg flott å vere ute no når sola skin. Mange av den yngre generasjonen er på ski og kosar seg. Eg gjekk lang tur med Mira opp Fossevegen i dag, ho var for sliten til å vere med i alpinbakken i dag. Ok å ha ein hund i band eller ein spark å halde seg i når ein er ute og trimmar. Viktor er framleis pasient, så han får berre lunte litt ute i hagen.

Laurdag med sol

2011-02-19T20:10:00.004+01:00

I dag var det endeleg blå himmel slik at vi fekk nyte sola inn i stova ei lita stund. Tok eit par bilder frå 2. etg. , mot sør-vest og mot nord. Roleg laurdag med besøk av m.a. Hilde og Henning som ikkje har fått sola endå. Besteforeldra på Os er i Australia hos eldste sonen og nyt sola der. Han har budd i Sydney i over 20 år. Audny og fam er på Gran Canari, så vi passar Viktor. Helene klarte seg godt i den sjølvlaga musikalen til Ungdomsskulen, "Livet er eit spørsmålsteikn", i operahuset. Vi var der torsdag og hadde ei artig stund. Kulturskulen hadde musikken i lag med elevar frå ungd.skulen. Utruleg kva lærarar og elevar har fått til på kort tid. Det er eit fantastisk musikkliv i Eid.

God Morsdag!

2011-02-13T14:34:00.005+01:00

Det har vore eit par kalde, klare dagar og då merkar vi godt at vi ikkje har fått igjen sola. Ho varmar nok luftlaget i og med at ho er her "nesten", reknar med den 17. viss det framleis er blå himmel. Kl 14.15 kom det sterk solglime inn stoveglaset frå Os-gjølet. Ved austveggen var temperaturen ca - 12 i dag tidleg og ca - 5 kl 14, så det er store variasjonar. Eg har halde meg innadørs denne veka, litt sår hals, ikkje feber, men er redd å få den kalde lufta ned i lungene. Snart er det skuleferie og då skal vi ha Viktor i pensjon mens Audny og fam er i syden. Blir vel litt trim og lufteturar på oss då, viss det ikkje er glatt, vel å merke.

Onsdags-handel

2011-02-09T14:10:00.009+01:00

Kjøpte tilbods-blomster på Coop Mega i dag, gule roser, greske sukkulenter (kaktus) og ein campanula (klokkeblomst). På roseomslaget stod det: "Disse rosene kommer fra AfriFlora, Etiopias største roseprodusent. AfriFlora sørger for gode lønns- og arbeidsvilkår for sine ansatte, og gratis helsetjenester og skolegang for barna deres. Roseproduksjonen bidrar til viktig velstandsutvikling i områder med stor fattigdom." Kjøpte også ein concealer (eit nytt ord eg har lært av Jan Thomas), den kosta mest! Såg på PC-kalendaren at det er askeonsdag i dag, trur derfor eg har gått glipp av fastelavenssøndag, bollemåndag og feitetysdag, eller tek eg feil? Komande søndag er vel morsdag, blir vel ei påminning i avisa, vil eg tru?

Inne-måndag

2011-01-31T15:14:00.006+01:00

Langevatnet i Fladalen (Stigedalen). Svein sitt siste ferdige prosjekt denne vinteren 2010/11.

Henning i full konsentrasjon i dag i Alleen.

Det er blitt mange inne-dagar denne vinteren, verst no når det skiftar mellom regn og glatte vegar. Fleire i familien har hatt influensa, Henning er feberfri i dag, men litt slapp. Vi har spela sjakk, og som vanleg slo han meg galant. Elles blir det TV, DS-spel og Svarteper.
Når det gjeld servering, blir det oftast pannekaker, boller, pølse og vestlandslefse, - usunt, sjølvsagt, men noko må han få i seg, og hos mormor er det lov.
Besten har sine hobbyar så dagane blir ikkje lange. Han har måla fleire fine bilder denne vinteren, nokre frå Stigedalen. Vi tek ein del bilder sommar/haust som han brukar som motiv. Litt vanskeleg å få gode foto av måleria, bør nok fotografere før han legg på vernisasj
(glans som beskyttar fargane).

Inne-laurdag

2011-01-22T15:23:00.004+01:00

I dag er det ikkje noko vits i å gå ut, sjøl med gode regnkle. Det er glatt og ein kan vel seie at det regnar "trollkjerringar". Audny har riktig nok vore her ein tur, men ho MÅ ut med Viktor - og ho har PIGGSKO. Ho stikk av og til innom på laurdags-lufteturen med Viktor og då har vi oss ei koseleg kaffistund.
I dag er det bursdagen til mor Astrid. Ho var Vannmann og far Kåre var Tvilling - og det skulle visst vere ein fin kombinasjon. Strikkemor- og -far har same kombinasjonen, men omvendt. Strikkefar skal snart feire 1/2 hundre år - heilt utruleg - hugsa godt då han som ung student var innom banken og fekk studielån av meg...
Vi tek det roleg slike dagar, besten driv med slektsforsking på data, kabal og måling. I vinter har han m.a. måla vakre bilder frå Fladalen (Stigedalen), må vel snart ha salsutstilling?
I går kveld var heile familien på Golvsengane og feira 18-årsdagen og sertifikatet til Øyvind. Berre Stig, som studerer i Bergen, var fråverande, men dei får vel ta det igjen seinare. Det blir nok vanskelegare å samle heile familien etter kvart som barnebarna blir vaksne.
Ingrid, som vart sparka i låret av ein hest på torsdag, kom på krykkjer. Det var ein hest til ei venninne som skapte seg galen på Hestesenteret og sparka henne og ei anna jente, heldigvis gjekk det bra med begge, ingen brot, men den andre jenta fekk hjernerystelse og låg ei natt på sjukehuset. Ikkje heilt ufarleg denne sporten heller.
Ønskjer alle ei fin helg!

Bursdager i januar

2011-01-19T20:38:00.002+01:00

Stein Inge og Margunn har 2 gutar som har bursdag i januar. Magnus den 01. jan og Øyvind den 19. jan. Vi gratulerer Øyvind som myndig og klar for sertifikat. Enkel feiring på Golvsengane med besten og besta i kveld, fam.treffet blir i helga. Bildet er frå 2001 og her er storebror og veslesyster med.

Gratulerer Magnus!

2011-01-01T18:27:00.003+01:00

Gratulerer barnebarnet vårt, Magnus, med 16 års dagen i dag!

Godt Nytt År!

2011-01-01T16:12:00.005+01:00

Ønskje slekt og venner eit riktig godt nytt år!
Fekk lyst å leggje ved eit bilde frå 70-talet.

Kristine og Mira

2010-12-26T21:17:00.003+01:00

To gode venner i godstolen til Besta. Lutefiskmiddag og avslapping i dag.

GOD JUL!

2010-12-25T22:44:00.002+01:00

Vi ønskjer God Jul til slekt og venner som er innom bloggen vår!

Juletallerken med noko attåt.

2010-12-21T22:14:00.004+01:00

Signe og Kåre inviterte oss på juletallerken, karamellpudding og kaffi på hotellet i ettermiddag i lag med Hilde og Oddvar. Maten smakte godt og vi hadde ei koseleg stund.
Etterpå fekk vi damene omvisning i det nye Badehuset m/trimrom, spa etc. på hotellet. Kanskje noko å prøve i kalde vintermånader?

Gode venner.

2010-12-08T18:13:00.006+01:00

Som kjent passer vi av og til dei to hundane i familien, Viktor og Mira.
I dag har vi hatt begge to samtidig og det har gått overaskande bra. Viktor set seg i respekt og Mira, som berre er 5 mnd. gamal, skjønar kven som er sjefen. Her koser han seg med ein gamal fotball som ho også kunne tenke seg å leike med. Mira er lett på foten og spring som ein vind ute i hagen, Viktor er tyngre i kroppen og tek det meir med ro.

Vinter

2010-12-05T12:19:00.004+01:00

Foto frå i dag, men gamalt motiv frå ateliér-vindauget, har ikkje kome meg ut endå. Kjekt med vérbyte. Ikkje så mykje snø, men nok til at det blir lyst og triveleg ute. Besten har køyrt ein runde med snøfresaren, mest for å klargjere, trur eg. No kjem Kristine og Mira, så då blir det vel liv i hagen. Kjekt for ungane med snø når det ikkje er kaldare enn no.

Ein merkedag for slektsforskarar

2010-12-01T11:02:00.005+01:00

Bildet er av Olaus (Olsen Vasøen) Strøm og sonen Storm Wilhelm Strøm (f.1899).

I dag, 1. des. 2010, er ein lenge etterlengta dato for dei som steller med slektshistorie. No er Folketellinga-1910 open og gratis for alle (100 år fredingstid).
Besten har allereide funne utfyllande opplysningar om bestefaren sin, Olaus, som var fødd på Skedsmo 25.01.1852. Der var m.a. både hushjelp og sjukepleiar i husstanden hans på Skarnes i 1910. Olaus døde som kjent i 1911 berre 61 år gamal. Interessante opplysningar om syskjena til Olaus og borna deira er no tilgjengeleg. Dette blir spennande!
No blir det nok lettare å studere vidare på gamal slekt, så vi er i gang igjen! Kulden inspirerer ikkje akkurat til utandørs aktivitetar. Då er det fint å ha hobbyar som måling og slektsforsking.
Tradisjonen på slektsforsking har eg med meg frå faren min som ikkje hadde internett å støtte seg til. For han var det å skrive til Riksarkivet m.m., så det tok tid og ein måtte betale for kopiar etc. Kyrkjebøkene er også eit godt hjelpemiddel, men der kan det ofte vere vanskeleg å tyde skrift etc. Eg tykkjer det er ein fin hobby Besten har i dette, og vi har mange interessante samtaler og diskusjonar - og då er det fint å ha eit enkelt strikketøy mellom hendene.
Ein kjem til Digitalarkivet bl.a. via - www.arkivverket.no -.

Gardeball og LysVaken på laurdags-kvelden

2010-11-27T18:28:00.004+01:00

Mykje som skjer i dag. Audny, Hilde og Ingrid er på julehandel og besøk hos Kristoffer i Ålesund. Han les til eksamen. Hans Petter skal dimme på 20-års dagen sin i desember. Denne veka har dei hatt vinter-øving ute i kulden, så verneplikta starta og slutta i sterk kulde for han. Hans toler nok godt kulden, er typen som går i shorts mesteparten av året når han er heime. I kveld er det gardeball på Oslo Plaza, det blir vel eit minne for livet, vil eg tru. I morgon er det 1. søndag i advent. Kristine skal saman med andre 5. klassingar overnatte i kyrkja i natt. LysVaken er ei feiring av kyrkja sitt nyttår.

Lester og krim

2010-11-23T14:08:00.005+01:00

Det har vore lite både strikking og lesing i år, veit sant å seie ikkje kva eg har brukt tida til...
No er eg endeleg ferdig med to lestepar. Det til venstre er til Kristine, strikka av Järbo-garn mellanraggi, som ho sjølv plukka ut i strikkebutikk i Måløy i sommar. Strikkemor hugsar vel den turen? Det til høgre er nattsokkar til meg sjølv, strikka av restegarn, truleg Silje. Har også kosa meg med krim-cd "Dragen" av Tom Kristensen, som var så spanande at eg berre måtte bli ferdig.

Fullmåne og rimfrost

2010-11-21T23:04:00.003+01:00

I kveldinga utfordra eg glatte vegar og tok meg ein lang spasertur. Brukte broddar, så det gjekk bra. Nydeleg fullmåne over Sagtindane og Trollenykjen, berre synd eg ikkje fekk med fjellrekkja i måneskinnet, har ikkje kamera for nattbilder.

Ingrid på premieutdeling på Mo

2010-11-20T23:42:00.006+01:00

Bilda er henta frå FB-sida til Ingrid. Premieutdeling og møter for Sogn og Fj. Ryttarkrins på Mo i dag. Ingrid fekk 1.premie i LB-cupen dressur.

Humørfylt fredagskveld i Operaen

2010-11-20T13:58:00.004+01:00

Amatørteateret, Teaterkompaniet Nordfjord, framfører denne helga folkekomedien "Til sæters" frå 1850 av ClausPavels Riis. I tillegg til dei 15 faste medlemmane deltek også nokre elevar frå drama- og teaterstudiet ved Høgskulen i Volda. Stykket har vore spelt på Nationaltheateret tidlegare. Toralv Maurstad er med i stykket og kona Beate Eriksen har regien. Ein del å lese i lokalavisene, kjem vel meir etter helga. Vi hadde ikkje tenkt på å gå, litt dyre bill., men då Lise ringde og spurde om vi ville gå, vart det til at vi hengde oss på. Underhaldande og kjekt. Framsyning i kveld og i morgon (søndag).

Dagens middag?

2010-11-16T10:30:00.003+01:00

Fiskekaker

Servert med gulrot- og purrestuing

Kjøkken: Norsk Måltidstype: Middag Vanskelighetsgrad: Middels Kategori: Tilbehør Basisvare: Fisk Tidsbruk: 0-30 minutter

Med gulrot- og purrestuing Foto: TV 2

Slik gjør du:

Best resultat blir det om alle ingrediensene er iskalde!

Skjær fisken i biter og kjør i foodprocessor med saltet.
Tilsett potetmel og krydder.
Spe først med eggene og deretter med melk og fløte til en jevn farse.
Form farsen i hånden til passe store kaker og stek i nøytral olje tilsatt litt smør.

Server med kokte poteter og for eksempel en gulrot- og purrestuing

Gulrot- og purrestuing:

Skrell og del gulrøttene i skiver / staver og kok møre i lettsaltet vann.
Purre i tynne ringer tilsettes de siste 2-3 min.
Ta vare på ca 1 dl av kokevannet.

Smelt smør rør inn hvetemel og spe med melk og kokevann fra grønnsakene.
Sausen skal være fyldig.
Kok opp og la trekke i ca 6 min.
Smak til med salt, pepper og revet muskat.
Tilsett de kokte grønnsakene og la alt bli gjennomvarmt.

Ingredienser til 4 porsjoner

Fiskekaker:
800 g hyse/kolje eller seifil
1 ss salt
2 egg
2 ss potetmel
1 ½; dl melk
1 ½; dl matfløte
pepper
1/4 ts muskat
nøytral olje + smør til steking

Gulrot- og purrestuing:
3 gulrøtter
1 purre

Saus:
;2 ½; ss smør
2 ss finhakket løk
3 ss hvetemel
3 dl melk
1 dl kokevann fra grønnsakene
salt, pepper
revet muskatnøtt

Wenche Andersen
gmn@tv2.no

Bursdagsfeiring på Os

2010-10-30T00:30:00.003+02:00

Bjørnar fylte 15 år på onsdag, men feiring med familien vart fredags kvelden. Triveleg som alltid. Det er vanskeleg å få tatt solo-bilde av Bjørnar, for han har ei eiga evne til å stikke seg vekk.. Dette bildet er frå jonsokafta i Os-vika i år. Etter mykje strev har eg fått installert Picasa3 på pcen min, er ikkje heilt fortruleg med bildebehandlinga i W7, er nok eg som er litt treig. Så no har eg endeleg fått beskjært eit bilde som B er åleine på. Tykkjer det er nokon han liknar på...

Gratulerer Bjørnar med 15-års dagen!

2010-10-27T22:58:00.008+02:00

I dag har Bjørnar bursdag. Han er den siste av dei 3 konfirmant-barnebarna våre frå i vår som fyller 15 år. Feiring blir det vel først til helga, men han var innom oss i dag og fekk seg pannekaker og is då han kom frå skulen. Bjørnar har mange kameratar og er ein opptatt gut.

Litt om bursdagen til Svein i går.

2010-10-26T18:10:00.004+02:00

Vi hadde i grunnen tenkt å gjere det enkelt i år, men det er alltid kjekt å ha barn, svigerbarn og barnebarn på besøk, så vi inviterte til middagsbufé. Gjestane kom etter kvart som dei var ferdige på skule og jobb. Vi hadde hjortesteik, lammesteik og heimelaga kjøttkaker. Til kaffien hadde vi is, jordbær, epleterte, brownies, krem og vestlandslefse som Henning berre MÅ ha. Presangar vanka det også, bl.a.: Ostefjøl frå Kristine og bok frå Henning m/fam.

Gratulerer med 67-års dagen Rasmus!

2010-10-26T11:00:00.002+02:00

Koseleg foto av Rasmus, mor og far i Remmedalen hjå mormor Bella og morfar Peder. Det var framleis krig i landet og sikkert ikkje enkelt for unge par med små born. Far var nett ferdig elektrikar frå Teknikken i Bergen (26 år gml i 1944). Krigen gjorde at det tok tid å få seg ei utdanning. Dei budde i Torvika hos farmor og farfar. Onkel Rasmus dreiv garden på den tida, og han hadde kone og 5 born, så det vart mykje folk i huset. Far (Kåre) bygde hus på "Stykket", som vi flytta inn i i 1947, då var Bodil og Anne Marie også komne til. I 1950 overtok far garden etter at onkel R m/fam emigrerte til USA. Vi flytta ned i Torvika og onkel Johan kjøpte huset på Stykket. Men det er ei anna historie.
Gratulerer også til Rasmus på Kongsberg, som Svein er onkel til.

Ut mot havet.

2010-10-23T18:43:00.005+02:00

Vinterbilde av Nesje og Olderveggen i sol - utsikt frå hytta.

Utsikt austover mot Bremangerpollen

Hornelen i vinterskrud.

I og med at det kom snø så tidleg i år, og det raskt blir kortare dagar, tok vi turen til Nesje i dag for å stenge hytta for vinteren. Det var meldt fint ver, dårlegare framover. Vi tok sikte på 09.50 ferga frå Måløy og tok Jeepen, då vi var usikre på kor bra siste vegstubben ville vere. Vi hadde god tid på ferga, så vi tok ein liten runde i Måløy sentrum og såg oss om - og like ved bensinstasjonen merka Svein at vi hadde punktert på venstre framhjul. Kan ikkje hugse at vi har punktert før, reservedekket er 15 år gamalt og ubrukt. Vi skifta dekk - men tok ikkje sjansen på å fortsetje turen utan reservedekk - i tilfelle dei andre vinterdekka også var byrja å tape seg. Vi køyrde derfor heim att og henta reservedekk og rakk neste ferge frå Måløy 12.05. Tok ein rask tur til Kalvåg og handla litt, men fiskebutikken var stengd, så det vart ikkje vintertorsk denne gongen. Alt vel på hytta, så det gjekk raskt å ordne for vinteren.
Litt vemodig at det er slutt for i år, men vi får glede oss til våren og håpe på mange fine turar i 2011. Det passa best å ta ferga frå Isane på heimturen, men sjølvsagt litt smalare veg her og der. Godt å kome heim att og fyre i omnen.

Første snøen i hagen

2010-10-20T18:33:00.003+02:00

Første snøfallet i fjøra i dag og særs glatte vegar, så no må vinterdekka på.
Astrid, mor til Margunn fyller 75 år i dag. Jubilanten er bortreist. Gratulerer med dagen!
Det er framleis blad og pærer på pæretreet i hagen. Mira kosa seg i snøen og hadde ikkje lyst inn.
Ser på bloggen til Besta at ho har fått hengt opp dei nye gardinene. Gratulerer!
Mine gardiner er nok av ein rimelegare sort og vindauga er mindre, men det vart lyst og triveleg i stova.

Første snøen i fjellet.

2010-10-19T18:08:00.005+02:00

I dag har regnet lagt seg som eit lett snølag på Trollenykjen, så vi vart inspirert til å leggje i omnen no i kveldinga. Det hender vi må passe to hundar på ein gong, Viktor og Mira, og det skjedde også i dag. Det blir ikkje mykje gjort slike dagar, men ein blir i grunnen i godt humør av å ta seg av dyr. Kvar for seg er hundane rolege, men i og med at Mira berre er 3 mnd og er veldig nysgjerrig på "fetter" Viktor, må vi for det meste halde dei adskilt. Bra er det at vi har kvar vår TV og PC, så då er det berre å kose seg. I dag har eg fått rydda og systematisert ein god del av alle bilda eg har på PC-en. Har scanna ein del gamle bilder som det også er kjekt å få lagt i mapper. I dag har Besten tatt influensavaksine.

Haust

2010-10-12T18:10:00.007+02:00

I dag har nevø Svein Kåre, som bur i Oslo, bursdag. Gratulerer med 37 års dagen! Mange i familien har bursdag i oktober, bl.a. Astrid Sundal 75 år og Peder Ådland 95 år.
Bildet av rosebuska med knuppar har eg tatt no i kveld. Ho har vakse heilt opp under rafta på garasjen og har det lunt.
Vi er byrja å lage til roterommet ute i gangen til closet room (garderobe). No har vi kle m.v. i fleire etg. og det er litt tungvint. Har overtatt nokre gode kleskåp frå 2. etg hos Audny som dei har måtta rydda ut i samband med ombygginga. Mykje arbeid å rydde etter all rivinga der nede, det blir fleire containerlass, godt det er fleire gutar i familien som har haustferie og likar å tene seg nokre kroner.
I dag har eg tatt influensavaksine, har gjort dette i mange år og har god erfaring med det.
Smykkeskrinet laga av skjell fekk eg av grandonkel Sigurd for over 50 år sidan. Han hadde ein kjenning som laga desse skrina og mange av jentene i fam. fekk kvar sitt. Fann dette no når eg rydda på roterommet. Tenkte på Ariel, som likar seg i fjøra med ungane. Å samle skjell og lage noko fint av dei, kan vere ein fin hobby.

Haustferie med tradisjon!

2010-10-11T21:38:00.001+02:00

I og med at det iflg. yr.no skulle vere fint ver måndag og tysdag i haustferien, har Besten og Øyvind jobba med å få vinter-veden i hus. Besten har fast avtale med ein tidlegare kollega frå verftet og pensjonist-hobby-bonde, om minst 2 mål ved for året. Vi har opparbeidd oss ein liten "buffer" for å vere sikre på at vi ikkje går lens, noko som tyder på at vi verkeleg er pensjonistar! Kristine jobba også ei stund, men så fekk ho kusine-besøk og måtte ta seg av Mira som snart er 3 mnd. Som vist på bildet står veden no tørt og godt under tak.

Fotball-Opera 2010

2010-10-10T18:16:00.003+02:00

Søndagsmatiné på Besten og meg i dag. Ein opera utanom det "vanlege". Bra dekning med bilder i Fjordenes Tidende si nettavis - fjt.no -, for spesielt interesserte. Amatørane gjorde ein fin innsats, artig å sjå lokale kjendisar i aktivitet.

September-tur til England

2010-09-21T12:44:00.020+02:00

Slottet i Beaulieu. Denne bilen er mykje lik den Svein restaurerer i garasjen.Litt av bil-utstillingsplassen m/bilmuseet i bakgrunnen.

Plassen framfor inngangen til dei romerske bada i Bath. Der ligg også ei flott kyrkje (Abby).

Inne i det romerske badehuset i Bath.

Kanalbåtar i Bath.

Hesten i Randers.

Randers hotell frå 1850-talet.

Snart heime. Premieutdeling for spørjekonkurransen på turen.

M/S SuperSpeed (Color Line). Båtferga vi følgde tur/retur Larvik/Hirtshals.
Har ikkje bilde av båtferga til England, Dana Sirena (DFDS TOR LINE). Såg meir ut som ein lastebåt med lugarar.

Kommentar:
Vi køyrde heimafrå tysdag 7. sept. i middagstider, slappa av nokre timar hos venner i Asker før vi gjekk på bussen i Drammen kl 05.00 onsdag morgon. Bilferge Larvik-Hirtshals kl 08.00, framme ca. kl 12.00. Fin båt med taxfree og god mat. Buss til Esbjerg der båten gjekk kl 18.45 mot Harwich nord for London. Ikkje taxfree på denne båten, men god mat og gode lugarar. Vi kosta på oss litt ekstra med vindus-lugar på dekk 6.
(Det går p.t. ikkje båt/ferge mellom Norge og England, noko som er heilt ubegripeleg. For nokre år sidan hadde vi to turar mellom Kristiansand og Newcastle. Då var vi i York, Whitby og "Aidensfield" og bussa ned til Sør-England.)
Vi var framme i England torsdag middag og bussa vidare til Bournemounth ved sør-kysten, framme i 5-tida på ettermiddagen torsdag. Fin tur gjennom New Forest til Westbourne. Vi vart innlosjert på små bed-and-breakfast hotell - eit kapittel for seg -, vi har hatt same hotellet 3 gonger på rad og er godt kjende med vertsskapet.
Fredag hadde vi ein fin tur til Portsmount og fekk omvisning på HMS Warrior frå 1860 - damp-segl-krigsskip og segl-/krigsskipet HMS Viktory til admiral Horatio Nelson. Vi har vore der tidlegare, stort museumsområde i hamna, "The National Museum of the Royal Navy". www.historicdockyard.co.uk.
Laurdag tok Svein og eg lokalbussen til kystbyen Pool, gjekk i butikkar, kjøpte oss middag og slappa av.
Søndag var det veteran-dag på marknaden i Beaulieu. Det er åttande gongen vi er på denne turen, så vi er godt kjende i området. Der er ein gamal landsby med eit stort slott, kyrkje- og kloster-ruiner, bil-museum, flott park med store eiketre og eit stort område med salgsboder og bilutstilling på markene rundt slottet.
Måndag var det "blåtur" for alle til Bath mot kysten i vest, vakker natur og store, fine gardsbruk. Vi tok ein guida busstur gjennom byen. Ei stor oppleving å få sjå utgravingane/dei gamle romerske bada. Forfattaren Jane Austen budde 5 år i denne byen og minnast ved eit eige Centre/Museum.
Tysdag var fridag og vi tok lokalbussen ned til Bournemounth sentrum ved sjøen. Ein fin by med ein nydeleg park og lang badestrand m/hundrevis av badehus.
Onsdag starta heimturen, same rute som framover. Torsdag overnatta vi i det gamle, ærverdige hotellet i Randers i Danmark.
Heime natt til laurdag.

Kvitneset og Ishavsmuseet Brandal

2010-09-06T09:25:00.011+02:00

Kjekk tur med stryningane og ørstingane til Hareid-landet i går. Ei oppleving å køyre den nye vegen/tunellen under havet. Guida tur av Øystein til Kvitneset, deretter Ishavsmuseet på Brandal (www.ishavsmuseet.no). Vi avslutta dagen med koseleg kaffebesøk hos Solveig og Øystein. Takk til sunnmøringane for ein fin dag!

Kristine 10 år

2010-09-03T18:05:00.002+02:00

Trur eg har mista litt kontrollen når det gjeld bursdagar på bloggen. I august feira Ole Kristian 22 år, Stig 20 år og Helene 15 år. I dag er det Kristine sin bursdag. Bildet er frå aug. 2001 på Biri - yngste deltakar på veteran-treffet, berre 11 mnd. Det er Kari B. som har tatt bildet. Niese, Anna Pernille, og tidlegare kollega, Liv Janne, har også bursdag i dag.

Onsdagstur

2010-09-01T18:05:00.006+02:00

Fin trimtur i Fladalen både måndag og i dag, vi må trene litt til vi skal til England, for då blir det mykje trakking på veteran-marknaden i Beaulieu og elles.
Første bildet viser utsikta mot Bakkesætra i Fladalen (Stigedalen). Den nye store hytta til Moen ruvar godt i landskapet. Hytta til Emil Os (sjef i Canal Digital) lengst borte i åssida, har fin utsikt over vatnet.
Det andre bildet viser Sagesætra. Der er ein fin liten foss og eit lite sagbruk som er restaurert. Bildet av saga er tatt for nokre år sidan, kanskje om våren i og med at elva er stor. Besten har måla dette motivet, trur eg må ta eit haustbilde også. (bilda bør forstørrast).
Kraftledninga skjemmer diverre mykje innover dalen.
Bomveg, og det går fint å køyre bil inn til Movatnet sommars tid.

Søndagstur

2010-08-29T19:54:00.011+02:00

I dag hadde vi oss ein fin tur til ytre Njf. Hadde kaffipause på rasteplassen nord for Flatraket. Nydeleg utsikt ut i havet mot Skongenes fyr, Silda og Stadlandet. Selje ligg gøymd inne i bukta til høgre. I sør såg vi Flatraket og garden Gangeskar, like før tunnellen til Sørpoll og Almenningsfjellet. Siste bildet er av denne garden, der Svein trur at ein av forfedrene hans på morssida, Isak Larsson Gangeschaar, kom frå. Han var jektestyrmann og gifta seg i 1827 med Mari Jacobsdatter frå Nedre Røberg på Blakset i Innvik kommune, og busette seg der. Sonen, Mattis Isaksson busette seg på Skåden i Innvik.

Så godt som ferdig.

2010-08-28T17:02:00.002+02:00

Ja no kan vi vel seie oss ferdige med restaureringa av badet - etter 4 mnd. rot. Besten monterte ny persienne og gardinstang i dag, så vi kan dusje usjenert. Artig at vi kunne ha gjenbruk av innredninga - Solveig har tidlegare kommentert dei grøne (oliven) vaskane som ho hugsa. Stor stas for jentene våre då badet stod ferdig på slutten av 70-talet. Badekaret i same farge måtte vekk for å gjere plass til klevaskeavdelinga.

Regntung søndag

2010-08-22T20:25:00.004+02:00

f Stor overgang frå 24 varmegrader siste dagane til 14 i dag. Lurte på å fyre i omnen, men så fekk vi kaffi-invitasjon frå Hilde til hytta i Jektehola. Oddvar fungerar som ein av "vaktmeisterane" i området for Plassens Venner. Han hadde fyrt i grua, så det var varmt og godt. Der er mura ein bakaromn ved sida av den store grua som dei steiker brød i. Ute er det murt grillar og laga koseleg til. Området er mykje brukt i sommarhalvåret. Om våren er det basar i Valhall til inntekt for Plassens Venner.

Litt av kvart

2010-08-19T13:30:00.009+02:00

Kopi frå framsida i Fj.bl. Henning nr. 3 bak frå høgre.

Kristine besøkte hvalpen Mira 1 mnd gml. i Oslo.

Hybelanlegget i Volda der OK skal bu dette skuleåret.

Mykje har skjedd siste 14 dg. Stig er reist til nytt studieår i Bergen (2dre) og Kristine har besøkt hvalpen sin i Oslo, skal hente Mira i veke 36.
Vi besteforeldra hadde ein fin tur med flyttelass til Ole og Kris til Volda og Ålesund på tysdag.
Ole skal til med 3dje studieåret v/DH i V og Kris 2dre v/Ing.h.sk. i Ål.
Yngste barnebarnet, Henning, byrjar i første klasse i år.

Laurdagstur

2010-08-14T22:23:00.004+02:00

I dag var det så fint vér at vi tok oss ein tur og besøkte Elin, Jostein, Audhild og Tinka på hytta på Heida. Nydeleg utsikt mot Gjegnen, dalen og ned mot fjorden. Eg hadde ikkje med kameraet, så dette er mobil-bilder frå ein velbrukt mobiltlf. som snart må utskiftast. Takk for ei koseleg kaffistund. På heimturen var vi nedom Sjøsætra. Både kyr, sauer og hestar på beite i marka. Vi køyrde utover Stårheimsmyrane og såg at Asle R og Lene er komne langt med huset sitt. Ein liten tur innom kyrkjegarden vart det også før vi snudde nasen heimover. Då vi kom heim var det plenklipping i mange hagar, så besten tok seg like godt ein runde med plenklipparen, kjekt å få slå når graset er tørt.

Helgatur over fjellet

2010-08-09T11:51:00.010+02:00

Biristrand Camping - resepsjonen:
Nokre av veteranbilane på campingen:

Grilling på odden:

Leidulf var grillmeister for Nordfjord-benken.

Barnebarnet,Vilde og veterankompis Per var tilskodarar:

Hytte nr. 11 og 12 - nye med bad og wc - Svein og Per på balkongen:

Utsikt over Mjøsa mot Lillehammer:

Gåve frå Hildegunn for transport av bagasje som dei ikkje hadde plass til på heimturen.
Dei var innom og henta den i dag og hadde med sjølvlaga bukett frå hagen sin i Innvik.

Denne helga har vi vore til Biri på veteranbil-treff. Stort marked på Biri travbane på laurdagen, grilling, konkurransar og premieutdeling på Biristrand camping om kvelden for den engelske Albion-klubben. Vi køyrde gamle Strynefjellsvegen nedover og Valdresflya - tunnelane heim att i går kveld. Kjedeleg at vi ikkje fekk vere med på selskapet til OK på laurdags kvelden på Os. I dag hadde vi visitt av veteran-venner frå innfjorden som vi hadde tatt med bagasje for. God plass i den gamle Mondeoen vår - og vi hadde ikkje shoppa store ting...

Bad - steg 2

2010-08-04T21:25:00.005+02:00

I dag har vi hatt rørleggar og fått montert doen, så no slepp vi å springe opp eller ned trappene. Ein del finish manglar endå. Møblane er snart klar for montering etter fleire strøk måling - gjenbruk av Espe-møblar, god kvalitet. Kjekt å vaske kle i den nye heilautomatiske maskina. Den gamle halvautomatiske Zanussien har stått i 2. etg heile tida sidan vi kjøpte den i 1996. Har slite ut to slike maskiner + eit par til. Mange år sidan eg hadde tørketrommel, så det er luksus, men kjem nok til å bruke den berre til handdukar etc. så lenge straumen er så dyr...
Det er alltid eit kvart som må kostast. No var det nytt eksosanlegg, bakre del på Mondeoen som måtte skiftast. Litt rust her og der som Besten jobbar med - ny EU kontroll til neste sommar. Tenkte vi skulle unngå å skifte bil til då. Bilen er god nok til vårt bruk, men 15 år er no ein bra alder.

Litt av kvart i juli.

2010-07-28T19:18:00.012+02:00

Den nye vaske/tørkeavdelinga er klar på badet. Vi har prøvd at det fungerar med skøyteledning, ventar på elektrikar og rørleggar for å bli heilt ferdige. Møblane er nesten ferdig pussa og malt. Hadde meg ei lita hagevandring i dag. Gledeleg at nokre av rosetrea kom seg føre etter den harde vinteren. Har sprøyta med heimelaga lusemiddel iflg. Grønn glede 2010 - Rosebed - NRK Nettv. Hekken klypte Øyvind i går (også på den andre sida hos våre nye landsmenn). Vi sit mykje i hagestova og Svein har laga ei blomsterhylle som skjermar litt innsyn frå vegen i vest der det er mykje trafikk både av bilar og folk.
TV-skåpet er ferdig med måleri på begge sider av døra. Verandaen er fin på føremiddagane og til soling, vestavinden tek litt der. Det gamle plommetreet som skjermar for verandaen er frodig og fint, pynta litt med stemorsblomster då stammen er litt lang og naken.

Panoramavegen

2010-07-16T19:20:00.004+02:00

Panoramavegen i dag med våre venner frå Asker. Fint køyrever. Vi var nedom Hopland og såg på den gamle kyrkja og den spesielle kyrkjegarden der, vidare opp til Vangen skisenter. Vi hadde håpa på å få kjøpe mat der, men inga servering i dag. Vi reiste derfor til Stryn og kjøpte middag på Isehaug kafeteria. Deretter heim att for å følgje med på Landsfestivalen NM i gammaldansmusikk som skjer denne helga på Nordfjordeid.

Litt av kvart

2010-07-11T19:18:00.008+02:00

For dei bloggarane som er interessert i kva vi driv med:
Slik ser WC, dusj og vaskerom ut pr. dags dato. Alt er klart for måling på våtromsstrie/membran på wc/dusj-veggane og flislegging golv på ferdig underlag.
I avdelinga heilt til høgre har vi fått montert ein stålvask og vi skal kjøpe ny vaskemaskin og tørketrommel (i etasje) som skal stå der.
Svein har tatt ned skåper/vask på motsatt side og har pussa og malt, så dei skal vi montere opp igjen. Må nytte det røropplegget vi har.
Veggane er som før, baderomspanelet har halde seg utruleg godt.
Trur det skal bli eit romsleg og godt pensjonist wc-bad-vaskerom.
Våtromsfagmannen er rundt om kring og jobbar, men har lova å gjere seg ferdig snart - kanskje i morgon?
Tidleg på 80-talet gjekk det ein dansk TV-serie som heitte "TV i teltet". Vi var på campingtur med Lillebror-hengar/fortelt og kjøpte eit lite sv/hv TV som vi hadde i teltet. Vi besøkte våre gode venner i Danmark, og dei hadde stor moro av oss. Ja det var den tid, det.
Som de ser har Svein montert TV i hagestova (litt harry? ikkje ferdig endå). Vi hadde eit lite TV-apparat av gamlesorten ståande som ikkje var i bruk, så han fann ut at han måtte nytte det til noko fornuftig....
Petunia og lobelia i verandakassene er ganske trivelege no.

Kveldstur via Plassen og Hærmuseet

2010-07-09T00:42:00.007+02:00

"Malakoff Rock Festival Arena":

Brulagd sti frå 2. verdskrig:

Amfiet/festplassen for 17. mai og andre arrangement.

Eit populært turområde i sentrum av N.eid, like ved Eidselva. Fleire restaurerte bygningar frå gamal tid då det var eksersisplass i området. Bak Valhall er der grus- og grasbane for fotball og diverse aktivitetar. Treningsområde for hundeklubben. Jektehola ligg nede ved elva, fint for grilling og bading.

Storfint besøk i regnveret.

2010-06-25T23:21:00.004+02:00

Besøk av Helene og Don, Ingrid og Wendy i dag i regnveret. Wendy hadde mista ein sko på sommarbeite på Skibenes, så Ingrid ville ikkje ri henne før ho hadde vore til "skomakaren".
I morgon er det reise med hestane til Stall Schilbred ved Kristiansund for ei veke leiropphald. Audny har tatt lappen for hestehengar og skal køyre. Roger er medhjelpar og god støtte både for ryttarar og sjåfør. Dei skal reise i lag med ei venninne og faren hennar som også skal køyre hestehengar. Får håpe det går fint. Lukke til!

Gratulerer med bryllaupsdagen den 27. juni!

2010-06-25T12:54:00.007+02:00

I dag har Hilde og Oddvar 23 års bryllaupsdag. Gratulerer med dagen!
Begge døtrene våre gifta seg på prestekontoret i Prestegaren på N.eid. Fekk lyst å legge til foto av Audny og Roger som gifta seg i pinsa året etter. Dei bodde då på Ås og Kristoffer var berre 5 veker gamal.
Svein kommenterer bilda på sin måte:
På første bildet står brudeparet på gamletrappa, året etter er det ny trapp og rekkverk. Han sat ofte på den gamle trappa og prata med presten Løvold då dei bodde i paktarhuset i Prestegarden under krigen. Ottar, yngste sonen til presten, var fadder på han.
Olaug kan vel skrive meir om dette?